#LGx15 En que parroquia do país se fala o galego máis chulo? A organización do LGx15, o encontro de ideas para o futuro da lingua, convida a contalo para entrar no sorteo dunha entrada dobre ao evento, que impulsa a Coordinadora de Traballadores e Traballadoras de Normalización da Lingua
Atopan unha escultura desaparecida da fachada medieval do Pórtico da Gloria durante as obras de restauración da torre sur da Catedral. Amosarase na exposición sobre o Mestre Mateo que acollerá o Museo del Prado a partir do 28 de novembro.
O presidente uruguaio Tabaré Vázquez, sucesor de José Mujica á fronte do Goberno e da Fronte Ampla, visitará Galicia os días 29 e 30 de novembro. Feijóo reuniuse este venres co embaixador uruguaio para preparar a viaxe.
Protestas de traballadores de Isolux-Corsan e o Banco Popular, afectados por EREs, nas portas do Parlamento de Galicia durante a sesión constituínte da X Lexislatura. Deputados dos tres grupos da oposición amosáronlles o seu apoio.
Miguel Santalices seguirá sendo o presidente do Parlamento de Galicia, agora con Diego Calvo como vicepresidente primeiro en Raquel Arias como secretaria. Pedro Puy seguirá sendo o portavoz do PP. Así o vén de anunciar Feijóo xusto antes de que se inicie o pleno de constitución da Cámara. A Mesa completarana Eva Solla, de En Marea, e Concepción Burgo, do PSdeG.
#Onosoderbi A Federación Galega de Fútbol sortea unha camisola da selección galega co gallo do derbi entre Celta e Dépor. Nas súas contas de Twitter e Facebook explican como participar.
A DGT abre ao tráfico o treito da A-8 entre Abadín e Mondoñedo que levaba pechado dende o luns por mor da néboa. Fomento aínda non aclarou que solución aplicará ao problema tras non prever a meteoroloxía da zona na construción da infraestrutura, inaugurada hai apenas tres anos.
Margarita Ledo recibirá o premio Ramón Piñeiro Facer País, que concede a Asociación Val de Láncara. O xurado destaca o seu "constante compromiso con Galicia" como xornalista, escritora, docente e cineasta.
A Xunta ameaza o Concello da Coruña con reclamarlle 2,5 millóns por non aplicar o copago nas axudas a dependentes e maiores. Cóntao La Opinión
Migrantes internos no CIE de Madrid denuncian que a Policía lles deu "unha paliza" tras as súas protestas desta semana. O corpo policial nega as acusacións. En Desalambre
