A banca exixe ao Goberno que blinde todos os depósitos ante futuros rescates. Teme unha solución como a de Chipre e quere evitar que se toquen os aforros minoristas.
Fálase
José María Castellano reuniuse con Rajoy e pediulle que deixe NovaGalicia Banco fóra do holding da banca nacionalizada. Garántelle que obterá investidores internacionais.
Ken Loach propón "privatizar o funeral" de Margaret Thatcher: "é o que ela querería". O director afirma que o seu legado foi o "desemprego masivo" e pide lembrar que lle chamou "terrorista" a Mandela e "tomou te co torturador e asasino Pinochet". "Por que deberiamos honrala?", conclúe.
Mas, Rubalcaba e Navarro reúnense en segredo en Madrid. No encontro analizouse a proposta de reforma da Constitución.
O BNG de Muros denuncia que o asesor xurídico lles pon trabas aos veciños para que se expresen en galego nos xuízos, como demostran nun vídeo. Pídenlle á alcaldesa que o cese.
Carlos Callón lembra no seu blog que Sara Montiel cantou en galego nun dos seus filmes, Mi último tango, do ano 1960, "un tempo especialmente duro para o noso idioma e para o noso país"
Barreras mantén contactos con Pemex para unha eventual entrada no capital do estaleiro. A petroleira explora esta opción á marxe do contrato do flotel.
Apenas o 28,7 por cento dos españois le a diario xornais xeralistas, ben sexa en papel ou a través da rede, segundo o barómetro do CIS. A porcentaxe é maior nos homes e entre os 35 e os 55 anos.
Pescanova xustifica a petición de concurso en salvar a compañía da liquidación. A empresa podería ter liquidez para uns poucos días
José Ramón Gómez Besteiro mantén a esta hora un encontro coa militancia do PSdeG das Pontes para presentarlles o seu proxecto como candidato á secretaría xeral do partido. Entre outras iniciativas, propúxolles medidas de "transparencia como a publicación dos salarios da cúpula do partido, a obriga a aceptar e respostar preguntas nas roldas de prensa ou o desenvolvemento do concepto de garantía de voto dos cidadáns"