O BNG da Coruña lamenta que o alcalde da cidade, Carlos Negreira (PP), "recorra a asuntos esotéricos" como única "canle de participación" da cidadanía. O consistorio coruñés vén de instalar "ánforas da queima dos malos augurios" de cara á noite de San Xoán.
O 5 de xullo haberá twitter en catalán e euskera, que xunto coas incorporacións de grego, checo, ucraniano ou afrikaans se unirán ás 21 linguas nas que na actualidade se pode empregar este servizo.
ATTAC protesta no Parlamento Europeo contra a especulación financeira nas materias primas alimentarias.
Obama, Hollande e Merkel instan a Rajoy a que acelere o rescate e resolva así o problema da débeda. O presidente do Goberno nega presión ningunha.
Hoxe é o Día Mundial do Refuxiado. Médicos Sen Fronteiras publica un informe sobre a situación actual do medio millón de refuxiados somalíes en Dadaab (Kenya)
O persoal da Obra Social de Novacaixagalicia pídelle á Asemblea Xeral da entidade que se celebra hoxe na Coruña a súa transformación "nunha Fundación especial para adaptarnos aos novos cambios e renovación nos órganos de goberno para afrontar un futuro viable".
Noticias contraditorias sobre a morte de Mubarak, que se atoparía en coma
Rio+20 comeza este mércores en Río de Janeiro chegando a un consenso ao redor dun documento que carece de metas concretas.
O Daily Telegraph anuncia mañá na súa primeira plana que do cumio que o G20 vén de celebrar en México saíu un plan para rescatar a España e Italia a través da compra de débeda soberana de ambos países. Esta operación sumaríase ao rescate bancario, xa acordado.
Dende México Mariano Rajoy evita negar que o Goberno de España vaia subir o IVE: "tomaremos todas as decisións que nos parezan oportunas, unha vez que estean tomadas será informada como todos os seus compañeiros", sinaloulle á xornalista que o cuestionou.
