A iniciativa de crowdfunding #15mparato, que buscaba 15 mil euros para financiar a querela xudicial contra Rodrigo Rato e os demais responsables de Bankia, conseguiu o seu obxectivo nunha hora, co apoio de once mil persoas.
![](https://praza.gal/media/cache/live_image/xornal/uploads/falase/foto/4fcf49a3b4825-goteo.jpg)
A iniciativa de crowdfunding #15mparato, que buscaba 15 mil euros para financiar a querela xudicial contra Rodrigo Rato e os demais responsables de Bankia, conseguiu o seu obxectivo nunha hora, co apoio de once mil persoas.
A Plataforma pola defensa de Corcoesto vén de presentar as alegacións ao proxecto da mina de ouro a ceo aberto na Xunta de Galicia. O documento conta co apoio de case 1.300 sinaturas. Máis información esta tarde en Praza.
Os comerciantes do concello mariñao de Foz permitirán pagar con pesetas entre o 11 e o 24 de xuño.
Europa esixe máis provisións á banca para activar a axuda directa ás entidades, segundo adianta Cinco Días. O Goberno prepara xa un novo decreto para hipotecas, consumo e empresas.
A Comisión Europea dá hoxe o primeiro paso cara a unha "unión bancaria". Proporá que sexan os acreedores e os accionistas das entidades con problemas os que paguen os rescates.
O índice de produción industrial volve caer en Galicia. Neste caso, o descenso é de case un 9% interanual en abril, de novo por riba da media estatal, o que incide no na crítica situación da industria do país.
Este xoves comeza a funcionar a edición española do Huffington Post, dirixido por Montserrat Domínguez e participada ao 50% por Prisa. O exitoso modelo do Huff ten a súa base na publicación de resumos de novas de outros medios e nas colaboracións externas, que non paga.
The Guardian analiza por que a clase obreira vota os partidos conservadores en Gran Bretaña ou nos Estados Unidos.
A Rede Feminista Galega e o Cineclube Compostela ofrecerán unha rolda de prensa este mércores a partir das 11 da mañá na Praza do Obradoiro para "denunciar as prácticas discrecionais e antidemocráticas" do goberno municipal de Santiago "e difundir as accións de protesta que diferentes colectivos sociais compostelás van a desenvolver". O Concello quere cobrarlles 1.600 euros ás dúas entidades por realizar catro proxeccións de filmes ao aire libre no mes de xuño.
Este 6 de xuño lánzase a sexta versión do protocolo de Internet (IP). O IPv6 permitirá que o número de enderezos IP dispoñibles pase dos 4.000 millóns actuais (que comezaban a ser insuficientes) a ser 340 sextillóns (340 con 36 ceros detrás).