A Rede Feminista Galega e o Cineclube Compostela ofrecerán unha rolda de prensa este mércores a partir das 11 da mañá na Praza do Obradoiro para "denunciar as prácticas discrecionais e antidemocráticas" do goberno municipal de Santiago "e difundir as accións de protesta que diferentes colectivos sociais compostelás van a desenvolver". O Concello quere cobrarlles 1.600 euros ás dúas entidades por realizar catro proxeccións de filmes ao aire libre no mes de xuño.
Fálase
Este 6 de xuño lánzase a sexta versión do protocolo de Internet (IP). O IPv6 permitirá que o número de enderezos IP dispoñibles pase dos 4.000 millóns actuais (que comezaban a ser insuficientes) a ser 340 sextillóns (340 con 36 ceros detrás).
La Región, moi crítico coa xestión de Feijoo en Ourense. Dedica a súa portada á situación do hospital da cidade: "A ausencia de investimento da Xunta agrava o deterioro da Xunta" e engade que "a crúa realidade demonta o espellismo do 'Hospital 2050'". Ademais, salienta que o alcalde de Ourense esixe "explicacións" a Feijóo sobre o Centro de Interpretación de Parques Naturales paralizado
O blog de Público Memoria Pública lembra que centos de cadáveres de persoas asasinadas na Guerra Civil foron guindadas ao Río Tajo. Este mércores a Comisión pola Recuperación da Memoria Histórica da Coruña presenta a súa campaña para que os represaliados galegos apoien coas súas denuncias a querela da xustiza arxentina contra a ditadura franquista
España protagoniza as portadas da prensa europea este mércores, e non para ben. Financial Times: España pide un rescante bancario, Le Monde: O estado crítico de España e dos seus bancos non augura nada bo, e Liberátion: SOS España revelan a preocupación que existe no continente pola situación do sistema financeiro, principalmente
Aprobada finalmente a Normativa de Permanencia da USC. O Consello Social da Universidade de Santiago aprobou a polémica normativa, que conta co rexeitamento de organizacións estudantís, de mestres e PAS.
O portal Infojobs recolle unha oferta a nome de "Cidade da Cultura de Galicia" para ser "superfan de Björk" no concerto que a cantante islandesa ofrecerá no Gaiás. Os labores serán "cumprir coa axenda de visitas" e "enviar fotos, twittear e colgar posts en Facebook coa actividade do concerto". Entre os requisitos figura "estar desempregado".
A xefa de Costas de Pontevedra considera "unha canallada" a sanción contra o ex candidato do PP en Pontevedra, Telmo Martín, por construír sobre o dominio público marítimo terrestre. "Todo o mundo foi contra o pobre Telmo", di Cristina Paz-Curbera. Cóntao 20 Minutos. A Xunta xa lle retirou a Martín a multa, de 3 millóns de euros.
Mariano Rajoy pide xa abertamente "unha integración fiscal e unha unión bancaria con eurobonos" en Europa. Mentres, o G-7 recoñece que analiza xa as posibilidades desa maior integración.
Os escoltas de Rajoy impiden, dentro do hemiciclo do Senado, que un senador do PSOE lle entregue un casco de mineiro para simbolizar as protestas dos traballadores asturianos. En El País