O Valedor do Pobo admite a trámite una queixa de Galicia, Mellor Sen Touradas sobre a emisión dunha corrida de touros en TVE en horario infantil. Esta tarde as touradas volverán á televisión pública despois de seis anos. O Consello Asesor de RTVE en Catalunya xa pediu que se desconecte o sinal durante o espectáculo.
Fálase
Cuac FM convoca unha asemblea aberta a toda a cidadanía para informar do estado en que se atopan os trámites para acadar unha licencia de emisión e tamén para asignar a persoas e colectivos os horarios da grella deste curso. Será ás oito da tarde no CUR (Centro Universitario de Riazor)
Anova, Equo, NÓS-UP e Partido da Terra emiten un comunicado conxunto en contra da intención do Goberno central de eliminar a personalidade xurídica da parroquia, segundo o anteproxecto de lei da Administración local.
O Goberno central eliminou 170.000 empregos públicos no que vai de ano. Así o denuncia o CSIF, que denuncia a perda do 7,7% do emprego na Administración Pública.
David Bravo pregúntase en eldiario.es se é nova a nova SGAE. O avogado publica unha carta aberta do grupo Pony Bravo dirixida a Antón Reixa na que os sevillanos, que empregan licencias Creative Commons, pídenlle que a SGAE deixe de cobrar certas cantidades pola actividade do grupo.
O Consello Nacional de Esquerda Unida aproba (con 38 votos sobre 40) a fronte ampla con Anova e outras formacións, coas que xa están negociando un programa "de esquerda real"
As eólicas esíxenlle á Xunta unha compensación mínima de nove millóns de euros pola anulación do concurso eólico, declarada ilegal polo TSXG en dúas ocasións.
O Parti Québécois gaña con claridade as eleccións en Quebec e obtén 56 dos 125 escanos do Parlamento. Os liberais -federalistas- quedan con 47 (perden 17). Os tamén nacionalistas Coalition Avenir e Quebec Solidaire obtivero 20 e 2 escanos, respectivamente. No discurso da gañadora, Pauline Marois, un home comezou a disparar contra a futura presidenta e matou unha persoa.
O Consello Asesor de RTVE de Cataluña pide a desconexión do sinal de TVE durante a emisión de corridas de touros
O PP nega que os quimiqueiros de Pemex estean adxudicados a unha empresa coreana e atribúelle a "mentira" á CIG, á que denomina "brazo sindical do BNG"