Esta fin de semana celébrase en Pontevea (Teo) a segunda edición das Olimpiadas Populares Galegas. Participarán 196 atletas, en 17 equipos, nun total de 14 probas: salto de lonxitude, pentasalto, carreiras de 100 m, 4x100 m e 5.000 m, triatlón, tiro con arco, tiro de sacho, billarda, voleibol, brilé, tiro de corda e chave.
CC.OO. pide a destitución da directora dos Servizos Informativos da TVG, Pilar Bermúdez, "pola incesante manipulación". En ocasións anteriores o Comité Interempresas da CRTVG xa esixiu a dimisión de Bermudez, por exemplo, pola cobertura do conflito das participacións preferentes.
UGT cre que o Goberno está fomentando unha "radicalización" do conflito na minaría e compara a Rajoy con Thatcher no seu intento de impoñerse no conflito "por esgotamento"
A prima de risco española roza os 530 puntos e achégase a máximos. Cinco Días explica que os especuladores están atacando a rendibilidade da débeda sobrana española "con catro duros", ante a inacción do BCE.
De Guindos pide comparecer no Congreso para explicar o rescate, ao contrario que Mariano Rajoy, que non o fará, cando menos, até despois do cumio europeo que se celebrará o 28 e 29 de xuño
Falece Pahíño, mítico xogador do Celta e do Deportivo nos anos 40 e 50. O futbolista galego, pichichi en dúas ocasións, morreu a pasada madrugada en Madrid aos 89 anos. Marcou 46 goles en tres temporadas como branquiazul e 56 en catro campañas de celeste.
A Asemblea Nacionalista de Ferrolterra aprobou na súa reunión de onte, realizada en Fene, esixir a paralización da actividade da planta de gas de Reganosa
El Confidencial asegura que o ministro de Facenda, Cristóbal Montoro, freará as obras do AVE a Galicia e que as empresas construtoras xa son conscientes disto.
As Novas Xeracións do PP de Catalunya acusan de "separatismo" ao alcalde de Barcelona, Xavier Trias (CiU) por non instalar pantallas xigantes na rúa para seguir os partidos da selección española na Eurocopa de fútbol.
O ex conselleiro de Pesca e antigo rival de Feijóo no congreso do PPdeG en 2006, Enrique López Veiga, vén de ser elixido polo pleno do Parlamento como novo senador por designación autonómica. Os votos afirmativos foron 37 do PP -unha deputada conservadora está ausente por maternidade-, houbo 31 abstencións e 4 votos nulos.
