Beatriz Mato convida a Stop Desahucios a un acto ao que non deixou acceder aos seus membros. O colectivo denuncia que foron expulsados, censura o "cinismo" do PP e anuncia que denunciará o roubo da súa pancarta por parte de axentes de seguridade.
Fálase
-
Povisa propón á Xunta o rescate do convenio de non haber acordo para compensar as perdas. Expón seis medidas para resolver a súa "situación límite" e como alternativa a ela, que se rescinda a concesión.
Luís Villares aposta pola participación de En Marea nunha "grande internacional progresista" a nivel europeo.
Seis feridos e 14 detidos nos altercados en Barcelona tras a protesta de independentistas contra a marcha de policías e gardas civís que quixeron homenaxear os antidisturbios do 1-O. (Foto: ArranBarcelona)
Oriol Junqueras será o cabeza de lista de ERC ás eleccións europeas de maio para "defender os dereitos de todos os represaliados". Anunciouno a través dunha carta á militancia.
A familia de Franco enterrará o ditador no cemiterio da Almudena en Madrid se os seus restos son exhumados. Así consta no escrito de alegacións presentado ante o Ministerio de Xustiza.
Povisa solicita preconcurso de acredores para forzar o Sergas a mellorar o concerto asinado hai catro anos. Ampliamos aquí a información.
O Tribunal Supremo rexeita investigar a Pablo Casado polo seu máster. A decisión prodúcese despois de que a Fiscalía rexeitase os argumentos que daba a xuíza instrutora do caso, que vía indicios de prevaricación e suborno impropio no xeito en que obtivo o título, sen acudir a clase. Este xoves o presidente Feijóo, ao falar do seu cambio de goberno, salientou que o seu executivo é como un máster ao que “hai que asistir todos os días”.
Varias das persoas que ocuparon simbolicamente o Pazo de Meirás comparecen esta mañá nos xulgados de Betanzos tras ser denunciados pola familia Franco. Unha concentración amosa a "solidariedade" coas seis persoas que declaran hoxe tras reivindicar a devolución ao patrimonio público das Torres.
Este venres comeza a vixésima edición da “Rúa dos Contos” no FIOT Carballo, que leva as artes escénicas a lugares públicos de lecer, como cafeterías e mesóns. Este sábado Manoliño Nguema ofrecerá a súa representación Ngoan ntangan, dous mundos que se tocan: Guinea Ecuatorial e Galicia
