Luís Villares aposta pola participación de En Marea nunha "grande internacional progresista" a nivel europeo.
Fálase
-
Seis feridos e 14 detidos nos altercados en Barcelona tras a protesta de independentistas contra a marcha de policías e gardas civís que quixeron homenaxear os antidisturbios do 1-O. (Foto: ArranBarcelona)
Oriol Junqueras será o cabeza de lista de ERC ás eleccións europeas de maio para "defender os dereitos de todos os represaliados". Anunciouno a través dunha carta á militancia.
A familia de Franco enterrará o ditador no cemiterio da Almudena en Madrid se os seus restos son exhumados. Así consta no escrito de alegacións presentado ante o Ministerio de Xustiza.
Povisa solicita preconcurso de acredores para forzar o Sergas a mellorar o concerto asinado hai catro anos. Ampliamos aquí a información.
O Tribunal Supremo rexeita investigar a Pablo Casado polo seu máster. A decisión prodúcese despois de que a Fiscalía rexeitase os argumentos que daba a xuíza instrutora do caso, que vía indicios de prevaricación e suborno impropio no xeito en que obtivo o título, sen acudir a clase. Este xoves o presidente Feijóo, ao falar do seu cambio de goberno, salientou que o seu executivo é como un máster ao que “hai que asistir todos os días”.
Varias das persoas que ocuparon simbolicamente o Pazo de Meirás comparecen esta mañá nos xulgados de Betanzos tras ser denunciados pola familia Franco. Unha concentración amosa a "solidariedade" coas seis persoas que declaran hoxe tras reivindicar a devolución ao patrimonio público das Torres.
Este venres comeza a vixésima edición da “Rúa dos Contos” no FIOT Carballo, que leva as artes escénicas a lugares públicos de lecer, como cafeterías e mesóns. Este sábado Manoliño Nguema ofrecerá a súa representación Ngoan ntangan, dous mundos que se tocan: Guinea Ecuatorial e Galicia
A mobilización das familias de Brión consegue recuperar o curso de reforzo en 3º de ESO. O alumnado volverá ás aulas este venres pero a manifestación en Santiago mantense porque a asemblea considera que a proposta da Xunta “é so un primeiro chanzo para atender as necesidades do centro”
Martiño Noriega "comunica a súa dispoñibilidade para repetir como candidato" ás eleccións municipais por Compostela Aberta. O alcalde de Santiago vén de comunicalo á asemblea da formación, cuxa militancia terá que ratificar a candidatura.
