Sáenz de Santamaría apela á "coherencia" de Casado coa defensa do goberno da "lista máis votada" cara á votación definitiva do Congreso do PP, no que ambos concorrerán pola presidencia. A que fora vicepresidenta de Rajoy foi primeira na votación no conxunto estatal e tamén na provincia de Ourense.
Cospedal gaña en Galicia as primarias do PP co 39% dos votos, polo 29% de Casado e o 28% de Sáenz de Santamaría. Ampliamos aquí a información.
Casado e Sáenz de Santamaría dispútanse o primeiro posto nas primarias do PP cun terzo dos votos escrutados en toda España. Está a contalo en directo eldiario.es. En Praza.gal informaremos en breve dos resultados en Galicia.
A Comisión Europea abre a consulta pública para que a cidadanía poida opinar sobre a posibilidade de eliminar o cambio de hora de verán. O formulario está dispoñible nesta ligazón e pódese emitir ata o 16 de agosto.
O Consello da Xunta autoriza o gasto de 16,99 millóns de euros para contratar a construción do novo edificio da Cidade da Cultura, que acollerá o Consorcio Interuniversitario no espazo que orixinalmente ía ocupar o Teatro da Ópera do Gaiás. Feijóo reitera a petición de que o Goberno de Pedro Sánchez o axude a financialo.
A terceira edición do Festival do Leite celebrarase na Illa das Esculturas de Pontevedra o 15 de setembro. O evento, organizado por Deleite Galego, pasou nas súas primeiras edicións por Santiago e Lugo. Recólleo Pontevedra Viva
A militancia inscrita no Congreso do PP vota dende primeiras horas da mañá na primeira volta para elixir a nova presidencia do partido. En Galicia teñen finalmente dereito ao voto un total de 4.564 persoas, o que supón apenas un 7% do total, o menor peso dos populares galegos nun proceso interno do partido. O máis destacado da xornada en Galicia, hoxe en Praza.gal. Na imaxe, votacións na sede do PP de Lugo.
Vén de inaugurarse unha nova edición da Praza dos Libros, en Carballo. Ses foi a encargada de dar o pregón, contando que son os libros para ela
Este xoves 5 de xullo entrou en vigor a rebaixa do IVE cultural do 21% ao 10%. Os cines NUMAX de Compostela anuncian a inmediata rebaixa no prezo das súas entradas e abonos, unha redución de entre 40 e 60 céntimos no caso das entradas de cine e entre os 2 e os 10 euros. para os abonos.
O Parlamento Europeo rexeita aprobar a reforma da normativa de dereitos de autor que segundo numerosas entidades sociais podía supoñer un obstáculo á utilización da rede pola cidadanía e que este mércores motivou o peche da Wikipedia. O debate da norma continuará ata o mes de setembro.
