Entre a prensa contraria á mobilización, El Mundo opta por falar de "fracaso sindical", mentres que ABC fala de "folga pouco xeral" e outros, como Expansión dan as mobilizacións por fracasadas e ven vía libre para máis recortes.
Fálase
-
A práctica totalidade dos diarios impresos do Estado abren as súas portadas con imaxes da folga xeral, aínda que con diferentes interpretacións. Entre os que levan á súa primeira páxina a importante participación nas manifestacións está Ara, que as interpreta como un "aviso a Rajoy"
#folgaxeral O cámara da CIG que foi detido en Vigo conta o sucedido en El País: "Un dos antidisturbios púxome un xeonllo enriba"
#folgaxeral Masiva afluencia ás manifestacións de Madrid e Barcelona. Así está a Porta do Sol. Imaxe de @agusperezblanco
#folgaxeral O Goberno insiste en que "o impacto da folga é moi moderado" e asegura que a actividade económica foi "menos afectada que en anteriores conflitos".
#folgaxeral El País ofrece en directo os incidentes que se están a producir en Barcelona
#folgaxeral O concelleiro do BNG en Compostela Rafa Vilar informa de que Conde Roa, que esta tarde preside o pleno municipal -ao que o Bloque non acudiu- presentou unha moción de urxencia para "condear os incidentes" da xornada de folga
#folgaxeral Arrancan as manifestacións en Madrid e Barcelona contra a reforma laboral cunha masiva afluencia en ambas as dúas.
#folgaxeral A Xunta actualiza o seu seguemento da xornada de paro xeral e asegura que na Administración autonómica, por provincias, foi do 35,83% na Coruña, do 24,37% en Lugo, do 16,97% en Ourense e do 49,01% en Pontevedra.
Un piquete moi numeroso percorre o centro de Vigo nestes momentos. El Corte Ingles de Gran Vía segue pechado #folgaxeral
