A Unión Musical de Meaño e a Escola de Música de Rianxo triunfan no X Certame Galego de Bandas de Música nas súa seccións primeira e segunda, respectivamente. O certame celebrouse este domingo no Auditorio de Galicia
Fálase
-
Detidas en Galicia persoas relacionadas con membros do Daesh. Catro persoas foron arrestadas en España polos seus vínculos con militantes do grupo terrorista en Austria. As detencións no país leváronse a cabo en Arteixo e Vimianzo.
François Fillon será o candidato á presidencia do centrodereita en Francia. Obtivo o 67% dos máis de catro milóns de votos nas primarias fronte ao seu rival, Alain Juppé, e será o aspirante ao Elíseo nas eleccións de abril.
Martínez-Pujalte ingresou nun ano 3,5 millóns sendo deputado. O ex-parlamentario do PP investigado por corrupción recibiu abonos millonarios ás súas contas durante o seu último exercicio na Cámara, segundo Facenda.
O Concello de Láncara homenaxea a Fidel Castro ante a casa natal do seu pai. O acto estivo encabezado polo actual alcalde da vila, Darío Piñeiro (PSdeG), o seu antecesor, do PP, e mais unha curmá do falecido líder cubano. Recólleo El Progreso. Ademais, un centenar de persoas uníronse en Santiago á homenaxe organizada pola Asociación de Amizade Galego-Cubana Francisco Villamil.
Ctxt recolle o proceso en que varios "medios alternativos" do Estado para atopar novas vías de financiamento. Detállao a colaboradora de Diagonal Naiara Puertas ao fío dunha mesa redonda recente.
Feijóo di ver "razoable establecer unha lei" para tornar o modelo electoral en "presidencialista". Afírmao nunha entrevista con El Correo Gallego na que volve asegurar que "no PP hai primarias" aínda que os seus estatutos as impiden.
eldiario.es publica o primeiro capítulo do libro que o fotoxornalista Enrique Meneses pediu divulgar tras a morte de Fidel Castro
A asemblea nacional de Galiza Nova elixe Alberte Fernández como novo secretario xeral. O plenario da asemblea da organización de mocidade do BNG aprobou por unanimidade o relatorio político e mais o de organización.
Un centenar de labregas denuncia o "agravamento" das violencias machistas no rural durante a xornada sobre as agresións de xénero desenvolvida polo Sindicato Labrego Galego no Pazo de Mariñán
