O Concello de Láncara homenaxea a Fidel Castro ante a casa natal do seu pai. O acto estivo encabezado polo actual alcalde da vila, Darío Piñeiro (PSdeG), o seu antecesor, do PP, e mais unha curmá do falecido líder cubano. Recólleo El Progreso. Ademais, un centenar de persoas uníronse en Santiago á homenaxe organizada pola Asociación de Amizade Galego-Cubana Francisco Villamil.
Ctxt recolle o proceso en que varios "medios alternativos" do Estado para atopar novas vías de financiamento. Detállao a colaboradora de Diagonal Naiara Puertas ao fío dunha mesa redonda recente.
Feijóo di ver "razoable establecer unha lei" para tornar o modelo electoral en "presidencialista". Afírmao nunha entrevista con El Correo Gallego na que volve asegurar que "no PP hai primarias" aínda que os seus estatutos as impiden.
eldiario.es publica o primeiro capítulo do libro que o fotoxornalista Enrique Meneses pediu divulgar tras a morte de Fidel Castro
A asemblea nacional de Galiza Nova elixe Alberte Fernández como novo secretario xeral. O plenario da asemblea da organización de mocidade do BNG aprobou por unanimidade o relatorio político e mais o de organización.
Un centenar de labregas denuncia o "agravamento" das violencias machistas no rural durante a xornada sobre as agresións de xénero desenvolvida polo Sindicato Labrego Galego no Pazo de Mariñán
Pedro Sánchez reaparece nun acto con militancia do PSOE na provincia de Valencia e afirma que "o tempo" da xestora do partido "rematou"
O Hospital da Coruña realiza dez transplantes en menos de 24 horas. As persoas doadoras, unha delas viva, foron de Vigo, Madrid e da propia Coruña, e en todo o proceso interviñeron uns 250 profesionais. Recólleo Microsiervos. O pasado 2015 o complexo hospitalario coruñés xa foi líder estatal en transplantes.
O Festival Agrogay da Ulloa, permio do Público no Culturgal 2016 con 2.153 votos. O segundo lugar foi para o cinema NUMAX, con 2.149 apoios, e GCiencia recibiu 1.229.
Galiza Nova, organización xuvenil do BNG, celebra este sábado a súa XIV Asemblea Nacional en Santiago. A formación renovará os seus documentos políticos e a súa dirección, con Alberte Fernández como previsible novo secretario xeral.
