AGE pide a dimisión de Feijóo, "un presidente deslexitimado", e a convocatoria de eleccións tras as novas que revelan os mecanismos de financiamento ilegal do PPdeG. O acto escenificouse na Cidade da Cultura, como "símbolo da corrupción do PP". Máis información, nuns minutos en Praza.
Un incendio causa importantes danos na minicentral eléctrica da localidade luguesa de Navia de Suarna. O lume quedou sufocado ás 7.00 da mañá.
O Goberno exclúe as lesbianas e as mulleres soas da reprodución asistida pública. Sanidade propón ás autonomías que o único criterio sexa o da infertilidade.
A galega Vero Boquete mete a España en cuartos de final do Europeo feminino de fútbol. Anotou un gol no empate ante Rusia e foi declarada mellora xogadora do partido.
Este venres celébrase a sétima edición da Marcha a pé entre Ferrol e Mugados, organizada polo Comité Cidadán para denunciar a presenza de Reganosa no interior da ría.
O Consello de Ministros estuda este venres a presentación dun recurso á resolución de Bruxelas sobre o tax lease. José Manuel Soria entregará un informe no que recomenda recorrer a decisión
Detroit, noutro tempo capital do automóbil, acóllese á lei de bancarrota. Con débedas duns 20.000 millóns de dólares, é a meirande bancarrota municipal da historia dos Estados Unidos.
O PP votou en contra de darlle unha rúa a Nelson Mandela en Toledo para manter a actual denominación de “18 de xullo”. O cambio aprobouse cos votos de IU e PSOE.
TVE sitúa á fronte dos telediarios os mesmos editores da época de Alfredo Urdaci: Enrique Muñoz, María Eizaguirre e Curra Luengo. Continúa o proceso que xa levou hai unhas semanas a Alberto Martínez Arias, ex xefe de prensa de Federico Trillo, á dirección dos informativos de RNE.
Bárcenas ocultou donativos ilegais de FCC, OHL e ACS para o PP galego, segundo publica El País. As anotacións corresponden ás eleccións autonómicas de 2005 e ao congreso que o PP celebrou en 2006.