A Xunta só permitirá alimentar e recoller animais abandonados en caso de emerxencia. Recólleo Faro de Vigo. É un dos preceptos da nova lei de benestar animal, que avanza na súa tramitación parlamentaria e que, malia ao reclamado pola oposición, non limitará as touradas.
O Ministerio de Educación utilizará a persoas desempregadas sen contrato para xestionar bolsas. É unha exclusiva de eldiario.es. Noutros anos o Ministerio botou man da empresa semipública Tragsa para desenvolver este labor, como informou Praza.gal.
A Fiscalía pide ao xuíz rexistrar a imprenta que podería imprimir as papeletas do 1-O.
VÍDEO | O PPdeG lanza un vídeo para celebrar o centenario do ex-presidente Fernández Albor, que chegou aos 100 anos este 7 de setembro. Feijóo lanzou tras o presidente da Xunta unha felicitación que asegurou enviar no nome "de todos os galegos".
A Xunta aproba o calendario laboral do 2018, con datas festivas habituais como o Día Nacional de Galicia ou o Día das Letras. Desta volta o 17 de maio é un festivo "recuperable" en función do criterio de cada empresa, ao non cadrar en domingo ningún festivo estatal co que intercambialo, como xa acontecera outros anos como 2000, 2001 ou 2007. A estas xornadas festivas engádense as de ámbito municipal.
Rajoy anuncia o recurso do Goberno de España ante o Constitucional contra a lei do referendo de autodeterminación de Catalunya e mais o decreto de convocatoria, e reitera que "esa consulta non se vai celebrar en ningún caso". Esta acción, sinala, tamén "defende o autogoberno" catalán.
A Fiscalía Xeral do Estado anuncia querelas criminais contra a Mesa do Parlament e o goberno de Puigdemont.
O Banco de España dá por perdidos máis de 42.000 millóns de diñeiro público polo rescate bancario. O supervisor asegura que tan só se recuperaron 3.873 millóns e que no futuro só se poderán recuperar outros 10.400. No rescate de Novacaixagalicia perdéronse uns 8.000 millóns de euros.
As autoescolas piden a transferencia das competencias de tráfico á Xunta en pleno conflito pola folga de examinadores. Recólleo La Opinión. O Parlamento galego pediu estas competencias e o Congreso negounas nunha votación do ano 2010 que supuxo a fin do desenvolvemento da Policía galega.
O furacán Irma arrasa varias illas caribeñas con refachos superiores aos 300 quilómetros por hora. 4gotas explica neste post de Facebook a súa evolución.
