Feijóo inaugura este venres a Autovía da Costa da Morte, unha estrada que ía ter 42 quilómetros pero que tras oito anos de obras, tres licitacións e varias polémicas se abrirá con só 27 quilómetros.
![](https://praza.gal/media/cache/live_image/xornal/uploads/falase/foto/579a3dfbd649d-autovia.jpg)
Feijóo inaugura este venres a Autovía da Costa da Morte, unha estrada que ía ter 42 quilómetros pero que tras oito anos de obras, tres licitacións e varias polémicas se abrirá con só 27 quilómetros.
En Marea asina a integración no grupo de Unidos Podemos tras a negativa da Mesa do Congreso ao grupo propio, contra a que hoxe alegou. O acordo, din, garante a presenza "en todas as comisións" e "disciplina de voto autónomo", así como un cupo de intervencións en pleno. A primeira voceira será Alexandra Fernández e nos seguintes períodos de sesións ocuparán o posto Antón Gómez-Reino e Yolanda Díaz.
O BNG fai públicos os seus gastos da campaña do 26X, á que destinou 80.600 euros. Foron sufragados "coas cotas ordinarias e extraordinarias da militancia e simpatizantes" e xa foron "abonados e xustificados", informa a formación nacionalista (preme na imaxe para ampliala).
Feijóo insiste en que as eleccións autonómicas serán en outubro. Di que a súa indefinición sobre a data concreta non está a xerar ningún debate que tape outros problemas de Galicia senón que son os medios de comunicación os que focalizan o debate político sobre os conflitos internos da oposición.
Absolven a alcaldesa de Viveiro, María Loureiro (PSdeG) do delito de prevaricación urbanística que lle imputaran por outorgar licenzas a través do silencio administrativo entre 2006 e 2009. Está a contalo El Progreso
#EPA O paro descendeu en 5.000 persoas en Galicia no primeiro trimestre, segundo a EPA que vén de se facer pública. As persoas con traballo aumentaron en 12.900. En termos anuais, o paro descende en 29.600 persoas e o emprego aumenta en 24.100, o que implica unha redución da poboación activa en 5.500 persoas.
A asemblea do PSdeG de Vigo apoia o deputado Abel Losada para recuncar nas listas ás eleccións galegas. Recólleo Faro de Vigo
O rei só designará a Rajoy como candidato á investidura se o líder do PP llo pide na rolda de consultas, á que acude este xoves. Cóntao eldiario.es
O ex-xerente da Constructora Hispánica admite que financiou o PP a cambio de adxudicacións públicas. Faino nun escrito dirixido ao xuíz que instrúe o caso Gürtel. Revélao a Cadena SER
En Marea transmítelle ao rei o seu "non" a Rajoy e insta o PSOE a tentar formar goberno se o PP non o logra, no canto de exercer o "inmobilismo". Así o expresou Alexandra Fernández tras ser recibida polo xefe do Estado quen, di, ve necesario evitar unhas terceiras eleccións xerais.