Un dos terreos nos que se levantou o complexo formado polo Hotel Finisterre e a Solana -o correspondente ao antigo cárcere- é de titularidade municipal, o que pon en cuestión a capacidade da Autoridade Portuaria de vender estes espazos. Cóntao Radio Coruña - Cadena Ser
A desigualdade segue a medrar en España malia a recuperación económica. O último informe de Oxfam asegura que o 30% da poboación máis pobre perdeu o 33,4% da súa riqueza en 2015.
Trumb ve un "erro catastrófico" a acollida de refuxiados e celebra o Brexit. O presidente electo dos EUA volve sementar a polémica en dúas recentes entrevistas.
O PP frea o seu crecemento e o PSOE amosa síntomas de recuperación, segundo unha enquisa para eldiario.es. En Marea mantería a súa representación no Congreso.
Un home agrede a súa ex-parella nun bar do centro de Pontevedra. O agresor foi detido pola Policía Local tras ser alertada por persoas presentes no local de que estaba a empurrar e golpear a muller. A policía pontevedresa subliña nun comunicado a importancia da colaboración cidadá na loita contra a violencia machista. Na mesma noite outro home acoitelou a súa ex-parella en Carballo e foi detido este domingo.
Patxi López presenta a súa candidatura ás primarias do PSOE para "reconstruír" o partido. Cóntao eldiario.es
Este domingo comeza na parroquia viguesa do Cristo da Vitoria o peche en solidariedade con Diego Lores, acusado de "atentado" pola Policía Local que será xulgado o vindeiro martes nun proceso no que a Fiscalía non ve delito. Lores explica nesta entrevista con Praza.gal as mobilizacións veciñais contra a colocación dun barco na rotonda de Coia e como está a vivir o proceso xudicial.
Os autores de 'Ciutat morta' presentan un novo documental sobre a "impunidade" das autoridades españolas na fronteira de Ceuta. Emíteo TV3. Catalunya Plural debulla os seus contidos e a televisión catalá ofréceo na súa web
A Marea Atlántica gañaría un edil e 5 puntos, catro por riba do PP, nunhas novas municipais na Coruña. O BNG sumaría outro edil e 2,2 puntos, mentres que o PSdeG perdería 2 concelleiros e o PP ficaría con 10, segundo unha enquisa de Sondaxe que publica La Voz de Galicia este domingo
A ONU constata falecementos por frío de persoas refuxiadas e migrantes en Europa e insta os Estados a "facer máis pola asistencia e protección destas persoas". (Imaxe ©ACNUR/UNHCR/Igor Pavicevic). O pasado verán un equipo de Praza.gal informou dende Grecia sobre a situación das persoas refuxiadas que buscan acubillo e países da UE.
