Rueda asume dende este luns a xestión dos asuntos da Presidencia da Xunta pola viaxe de Feijóo á China
![](https://praza.gal/media/cache/live_image/xornal/uploads/falase/foto/593e3b83a365e-51791df7a1f97-image_gallery.jpeg)
Rueda asume dende este luns a xestión dos asuntos da Presidencia da Xunta pola viaxe de Feijóo á China
O Goberno de España ultima a suba da luz en Galicia polo imposto eólico da Xunta. Cóntao Faro de Vigo.
Vázquez Almuíña asume que o Sergas pechará "entre o 15% e o 20%" das camas dos hospitais públicos no verán. Díxoo nunha entrevista en Radio Galicia, onde defendeu a actuación dos dous cargos imputados polo caso da hepatite C.
O Ourense Envialia proclámase campión da Copa de España en Poio. O equipo galego venceu na prórroga ao Atlético Féminas logo de empatar en dúas ocasións a desvantaxe.
Unha multitude soberanista apoia a Generalitat na súa aposta polo referendo. Pep Guardiola, adestrador de fútbol, foi o encargado de ler o manifesto. En Galicia, En Marea, BNG e outros colectivos explicitaron onte o seu apoio á consulta do 1 de outubro.
Trinta militantes de SAL deixan o partido tras facilitar a volta ao poder de Telmo Martín en Sanxenxo. Entre os que abandonan está a edil Vanessa Rodríguez.
Solicitan prisión para o alcalde de Palas por acoso no traballo á súa secretaria. O fiscal pide tamén 12 anos de inhabilitación por prevaricación e o xuízo arranca o martes na Audiencia Provincial
Desenvólvese en Compostela unha nova mobilización contra o desaloxo do centro social Escarnio e Maldizer cunha importante presenza de antidisturbios pola zona vella, onde se impediu entrar, e 500 persoas. Parte dos manifestantes pechouse nun céntrico colexio abandonado, o Peleteiro.Toda a información, mañá en Praza. Foto: Galiza Contrainfo.
Morre Adam West, intérprete do famoso Batman dos anos 60 e icono dos primeiros anos da TVG. Faleceu aos 88 anos en Los Ángeles debido a unha leucemia.