O Goberno central exixe o peche da metade das canles da televisión pública catalá, o que provoca duras críticas da Generalitat.
Fálase
A Policía identifica as persoas concentradas esta mañá ante os xulgados de Santiago en solidariedade cos acusados por se manifestaren contra a marcha de Galicia Bilingüe en 2009. (foto: @Onosolar).
#europeas2014 - Axenda de campaña
- Francisco Millán: Encontro agrogandeiro en Castro de Rei ás 16:45 e mitin con Cañete en Ordes ás 20:30.
- José Blanco: Reparto en Pontevedra ás 12:00 e mitins en Betanzos (20:00) e Silleda (21:30)
- Ana Miranda: Encontro con persoal de Citroën en Vigo ás 13:15 e mitin en Lugo ás 20:00.
- Lidia Senra: Visita á empresa Emprego Social en Cambre ás 12:00 e mitin ás 20:00 en Ferrol.
- Paulo Carlos López: Reparto en Sarria ás 12:00 e mitin ás 20:30 en Vigo.
O embaixador de Israel en España asegura que "non declarou inimiga a Galicia" e atribúe a polémica suscitada pola carta que lle enviou a Pilar Rojo aos "titulares sobre este asunto aparecidos nalgúns medios dixitais", que "pouco teñen que ver co contido real da carta". Pódese ler o comunicado na web da embaixada israelí.
O PP galego carga nun argumentario interno contra o xuíz que xulgou os edís de Santiago. Os conservadores recoméndanlles aos seus cargos dicir que o proceso ten "carga política". Cóntao El País.
O xuízo aos sete edís de Santiago por presunta prevaricación ocupa este martes as primeiras páxinas dos principais diarios impresos galegos.
Ao redor dun cento de nais e pais do alumnado do CPI Viaño Pequeno, de Trazo, manifestáronse en demanda dun cambio no horario das clases, vestidos con pixamas, e denunciando que "só nos falta durmir aquí".
Visto para sentenza o xuízo contra sete edís de Santiago por presunta prevaricación. Toda a información, esta tarde en Praza.
Case 50 mil familias españolas perderon a súa casa en 2013, un 11% máis que o ano anterior, segundo os datos que publicou este luns o Banco de España. Máis da metade dos casos foron desafiuzamentos (28.173, un 18% máis que en 2012).
O PP gañaría por pouco as eleccións europeas, pero populares e socialistas perderían 10 escanos, segundo unha enquisa para eldiario.es. A Esquerda Plural acadaría 6 representantes, a coalición BNG-Bildu 1 representante e CEU, onde se inclúe CxG, 2.