Case 50 mil familias españolas perderon a súa casa en 2013, un 11% máis que o ano anterior, segundo os datos que publicou este luns o Banco de España. Máis da metade dos casos foron desafiuzamentos (28.173, un 18% máis que en 2012).
Fálase
O PP gañaría por pouco as eleccións europeas, pero populares e socialistas perderían 10 escanos, segundo unha enquisa para eldiario.es. A Esquerda Plural acadaría 6 representantes, a coalición BNG-Bildu 1 representante e CEU, onde se inclúe CxG, 2.
Remata a declaración dos sete edís de Santiago imputados no xuízo por presunta prevaricación, que defenden a legalidade de pagarlle o avogado a un implicado na Pokémon e descargan a responsabilodade na "redacción" do acordo. Toda a información, hoxe en Praza.
Xa sentan no banco dos acusados os sete edís de Santiago xulgados por presunta prevaricación. Toda a información, hoxe en Praza.
O alcalde, Ángel Currás e o ex alcalde Conde Roa acompañan no xulgado os sete edís composteláns que hoxe son xulgados por prevaricación. Unha concentración cidadá recibiunos ao berro de "corruptos".
Máis de 4.200 transportistas reclamaron xa a Facenda a devolución do céntimo sanitario. O 60% das empresas entregaron as súas facturas á Axencia Tributaria.
Feijóo pasará a maioría do que queda da campaña fóra de Galicia. Apoiará o PP en Cataluña, Andalucía e o País Vasco, segundo conta La Voz de Galicia.
O PP gañaría as eleccións europeas con oito puntos sobre o PSOE, segundo unha enquisa para El Mundo. A candidatura da esquerda onde se inclúe AGE acadaría seis escanos e a de BNG e Bildu, un.
#europeas2014 Axenda de campaña
- Francisco Millán: Mitin en Oleiros ás 21:00.
- José Blanco: Visita á plataforma loxística de Salvaterra ás 11:15 e mitin con Besteiro e Elena Valenciano ás 20:00 en Vigo
- Ana Miranda: Visita a Feiraco en Ames ás 10:00 e mitin en Ferrol ás 20:00.
- Lidia Senra: Acto a prol do Sáhara ás 11:30 en Santiago e mitin en Viveiro ás 20:00.
- Paulo Carlos López: Mitin en Lalín ás 20:00
A Policía incrementa os seus dispositivos de vixilancia para o Parlamento e os membros do Goberno galego. Cóntao Faro de Vigo.