Decenas de empregados de Pórtico agardan dende as 7 da mañá ás portas da nave que a empresa ten en Mos, para recibir explicacións dalgún responsable da compañía, e despois de que o venres lles comunicasen o seu despedimento por teléfono
![](https://praza.gal/media/cache/live_image/xornal/uploads/falase/foto/5293445f78a49-empleados-pc3b3rtico.jpg)
Decenas de empregados de Pórtico agardan dende as 7 da mañá ás portas da nave que a empresa ten en Mos, para recibir explicacións dalgún responsable da compañía, e despois de que o venres lles comunicasen o seu despedimento por teléfono
GCiencia comeza a súa andaina na Rede. Na súa primeira portada pódese atopar unha entrevista con David Fernández Calviño (AGE) no laboratorio de Copenhague no que traballa.
Esta mañá celébrase no Parlamento o debate de totalidade dos Orzamentos Xerais para 2014. Toda a información, hoxe en Praza.
Mantense a incerteza polo resultado das eleccións presidenciais en Honduras, as primeiras dende o golpe de Estado que acabou co goberno de Manuel Zelaya. O candidato oficialista Juan Orlando Hernández lidera o escrutinio co 34% dos votos, mentres que a esquerdista Xiomara Castro suma un 29%. Ambos os dous proclaman a súa vitoria.
Os fondos de investimento esixen transparencia na poxa de NCG. Desconfían de que a opacidade na privatización beneficie os bancos
Comeza unha semana de mobilizacións en Ferrolterra en defensa do sector naval e de solucións para a crise que atravesa a comarca. O venres celebrarase unha vixilia a partir das nove da noite, e o domingo está convocada unha gran manifestación.
Ratifícase que as fotos das protestas estudantís de Vigo, cualificadas de falsas pola Policía, eran reais. Nelas víanse cargas policiais e uso de bólas de goma, entre outras mostras de uso da forza.
En pouco máis de 3 horas comeza a andaina de GCiencia, o novo medio galego especializado en información científica.
Máis de 700 homes asasinaron as súas parellas ou ex parellas nos últimos 10 anos no Estado. Recólleo El Diario
O Ministerio do Interior e a Xunta contratan unha empresa da Coruña investigada por fraude. Cóntao El País