Fálase

#folgaxeral Un numeroso piquete da CIG segue a percorrer as rúas céntricas de Santiago

#folgaxeral Máis do 80% do profesorado galego participa na folga, segundo CIG-Ensino, que engade que "a maioría dos centros pararon na súa totalidade". O sindicato acusou a Consellaría de Educación de tentar manipular os datos, ao solicitarlles aos centros os datos de seguimento antes das 9.15 da mañá, polo que os docentes que non teñan clase a primeira hora non serán contabilizados como folguistas.

#folgaxeral A CIG amosa esta imaxe que, subliña, "ilustra a brutalidade policial empregada na detención, arbitraria" do seu cámara en Vigo

#folgaxeral Os piquetes informativos detallan que o principal centro comercial de Lugo permanece pechado

#folgaxeral Un numeroso piquete informativo da CIG percorre a esta hora o Ensanche de Santiago, no que hai pouca actividade comercial.

#folgaxeral Importante presenza de piquetes no centro comercial Catro Camiños e en El Corte Inglés da Coruña. Imaxe de @XosePepinho

#folgaxeral UGT cifra nun 90% o seguemento da folga a esta hora en Galicia. Por sectores, sitúa nun 100% o paro na recollida do lixo e limpeza viaria e no naval, nun 95% nos transportes, nun 85% na construción e nun 80% no sector agroalimentario e nas conservas.

#folgaxeral Finalmente a facultade de Dereito da USC non pechou as súas portas. Os piquetes informativos na zona aseguran que é a "única" que permanece aberta e que hai "ameaza" de "antidisturbios".

#folgaxeral En Santiago, os piquetes informativos acoden aos campus universitarios. Sinalan que no Campus Norte o paro é case total e no Campus Vida (antigo Campus Sur) están a pechar facultades significativas, como a de Dereito.

#folgaxeral Comeza o pleno no Congreso dos Deputados sen os deputados do BNG, ERC e Izquierda Plural. Entre outros asuntos, debátese a Lei de Estabilidade Orzamentaria. No Parlamento galego hoxe celébranse dúas comisións, ás que só acudirán deputados do PP.