Abanca proponlles aos sindicatos recortar soldos (a través dunha nova fórmula para calcular a antigüidade e dun cambio no número de pagas abonadas) e ampliar o horario dos traballadores do banco, medidas que rexeitan os sindicatos. Hoxe empresa e centrais manterán unha segunda xuntanza.
Fálase
Iker Armentia escribe en El Diario "10 cousas que fixo Alfonso Alonso e que ti non deberías facer", un percorrido crítico pola vida política do ex alcalde de Vitoria-Gasteiz, que se converterá ministro de Sanidade.
El Diario entrevista Gregorio Morán, autor de El cura y los mandarines (Akal), un retrato dos intelectuais na Transición e do seu rendible acomodo no poder, que se presenta esta semana en Madrid e Barcelona. Destaca que “a canonización do Réxime do 78 foi un erro. Os autoeloxios xa cheiraban a peixe podre”
A porcentaxe de representantes dos sindicatos minoritarios que negocian convenios de empresa creceu oito puntos nos últimos tres anos
Junqueras (ERC) rexeita a lista única proposta por Mas e aposta pola convocatoria inmediata de eleccións e un goberno de concentración.
Louzán confirma que optará a presidir a Federación Galega de Fútbol. Así o adiantou Praza o pasado setembro.
Alfonso Alonso, novo ministro de Sanidade. O voceiro do PP no Congreso, avogado e filólogo, ocupará o posto que deixou vacante Ana Mato.
O Deportivo pecha a bancada dos Riazor Blues para os dous próximos partidos en Riazor. Faino de xeito "provisional e simbólico", tal e como anunciou o seu presidente a través da lectura dun comunicado nunha rolda de prensa sen preguntas convocada tras o asasinato dun ultra do Depor nunha pelexa con membros do Frente Atlético.
O PP oponse a pedir o traspaso a Galicia das competencias de salvamento marítimo, como reclama o BNG no pleno do Parlamento. A popular Paula Prado, que interveu para rexeitalo, reprochoulle a PSdeG e BNG a ausencia de traspasos competenciais durante o bipartito. No mandato de Feijóo a Xunta non sumou ningunha competencia nova.
A Xunta disponse a incorporar 76 coches ao seu parque móbil mediante un leasing con opción de compra por importe de ata 1,5 millóns de euros. O Goberno prevé iniciar os trámites da compra en xaneiro e no mesmo proceso adquirirá, coa mesma modalidade, 12 vehículos para a Policía Autonómica por uns 250.000 euros.
