Complícase o acordo entre Goberno e PSOE sobre desafiuzamentos. Os aspectos que máis separan as dúas partes son os relativos ao número de familias que entrarían no grupo de beneficiarios da paralización. E tampouco se puxeron de acordo sobre que ocorre cando pasen eses dous anos de moratoria.
Fálase
El Diario decide, despois de consultar cos seus lectores, que este mércores informará exclusivamente da folga xeral "porque cremos que a mellor maneira de apoiar unha folga xeral é informando sobre ela"
Colectivos ecoloxistas portugueses din que o país veciño está igual de desprotexido que hai dez anos no caso de acontecer un accidente semellante ao do Prestige. No Diário de Notícias.
O Goberno e o PSOE continuarán este martes as negociacións para iniciar medidas que freen os desafiuzamentos. O luns a xuntanza finalizou sen acordo, aínda que dende Moncloa se insiste en que houbo "avances", algo que desmenten fontes socialistas. O Goberno resístese a una reforma completa da lei hipotecaria
Greenpeace desprega unha enorme pancarta no xuízo do Prestige e pregúntase "onde están os responsables" con fotografías de Rajoy, Álvare Cascos, Arsenio Fernández de Mesa, Jaume Matas e Arias Cañete.
O DOG publica este martes o decreto que regula por primeira vez os furanchos, que só poderán abrir tres meses ao ano e servir só cinco tapas.
Luz Casal recibirá este mércores un Grammy Latino honorífico á súa carreira nunha cerimonia que terá lugar en Las Vegas
La Información lembra que dende a primeira folga xeral que se convocou nesta crise, en setembro de 2010, o número de parados aumentou nun millón e medio de persoas, o que quere dicir que hai "unha maior bolsa de desencantados" pero que non significa "que o paro nas empresas vaia ser masivo"
Reiníciase o xuízo do Prestige na Coruña. Hoxe declara o capitán do buque, Apostolos Mangouras, principal acusado. Activistas de Greenpeace protestan na porta do recinto de Expocoruña.
José López Orozco afirma sobre o comité do PSdeG que ''foi como tiña que ir'' pois "hai moito tempo" para falar das persoas que se farán cargo do partido, pero sentaron as bases para "reflexionar" sobre o proxecto político. Pola súa banda, Anxo Lugilde escribe en A maior crise do PSOE galego que "o comité nacional confirmou o desolador estado do PSdeG tras o seu desastre electoral".