Montoro anuncia "reformas parciais en grandes impostos". O ministro de Facenda e Administracións Públicas asegura que os Presupostos Xerais do Estado, que se aprobarán o venres, poden incluír "reformas parciais dentro dos grandes impostos" e "contribucións máis equilibradas e mellor ponderadas entre os axentes económicos".
Fálase
O conselleiro de Cultura e Educación, Jesús Vázquez, acusa a Blanca Cendán de mentir e asegura que o seu cese se debeu a "cuestións de índole de eficiencia, de xestión, de organización e de actitudes". Engadiu que o seu departamento se negou a cederlle o Salón Teatro aos traballadores das artes escénicas para un acto reivindicativo con motivo do Día do Teatro porque "un teatro é a casa da cultura e da arte" e por iso, debe utilizarse "para o teatro e as exposicións".
O alcalde de Santiago, Gerardo Conde Roa, xustifica a cancelación da actuación do cómico Leo Bassi no Teatro Principal da capital galega argumentando que lle produce "especial repugnancia".
Rajoy anuncia en Seúl que os orzamentos que o seu Goberno aprobará este venres reducirán en case o 15% os fondos de cada ministerio, como media. Semanas atrás a previsión era que esa redución fose o 12%. Así mesmo, di que non baixará o sueldo dos funcionarios e que non tocará os impostos de consumo
Rajoy asegura en Corea manter o "compromiso político" coa Alianza de Civilizacións impulsada por Zapatero, duramente criticada polo PP dende a oposición. Cóntao 20 Minutos.
A Coordinadora Galega de ONGD decide apoiar a folga xeral do 29 de marzo como "mostra do rexeitamento ás políticas de recortes sociais e de supresión dos dereitos dos traballadores aprobadas polo goberno español e que afectan, de forma moi negativa, aos colectivos máis vulnerables". A Coordinadora representa 48 ONG de desenvolvemento galegas.
O xiro soberanista de Convergència Democrática de Catalunya "irrita" ao PP, que dá soporte ao Goberno de Artur Mas. En Vilaweb.
Mariano Rajoy logrou este martes a fotografía co presidente dos Estados Unidos, Barack Obama, que tamén procurara Zapatero. O líder americano emprazouno a unha visita á Casa Branca. Cóntao a Cadena SER.
O presunto líder da trama Campeón, Jorge Dorribo, declara a esta hora de novo nos xulgados de Lugo ante a xuíza Estela San José.
José Ignacio Wert quere aumentar a 32 o número de horas de presenza na escola dos docentes, a cambio dun aumento da súa base salarial, o que implicaría unha redución na contratación de interinos, como xa fixo a Comunidade de Madrid. Tamén proxecta unha redución das bolsas para o pago da matrícula universitaria e un incremento das ratios de alumnos por aula. Cóntao ElConfidencial.com