Dhogs gaña o místico de oro na sección de longametraxes do festival Algeciras Fantástika. O filme galego, dirixido por Andrés Goteira, suma este galardón aos recibidos nos festivais Split de Croacia e Nocturna de Madrid. Ademais, foi a primeira película rodada en galego incluída na sección oficial de Sitges.
O DOG publica os decretos que declaran bens de interese cultural o mural de Lugrís Vista da Coruña 1669 e o castro de Fazouro. A pintura foi trasladada á sede de Abanca, que a rehabilitou, mentres que o castro viña sufrindo diversos ataques.
A dereita de Piñera e o centro-esquerda de Guiller pasan á segunda volta das eleccións en Chile. Enfrontaranse nas urnas o 17 de decembro para decidir o sucesor de Michelle Bachelet.
O independentismo mantería a maioría absoluta e o PSC dispararíase nas eleccións catalás segundo unha enquisa para El Periódico. O PP sería a forza con menos escanos no Parlament e ERC gañaría as eleccións.
Policías municipais insultan e ameazan a Carmena nun chat: "Oxalá teña unha morte lenta e agónica". As conversas están incorporadas a unha denuncia presentada por un axente.
Chile celebra eleccións presidenciais este domingo e tamén renovará as súas cámaras lexislativas. O empresario conservador Sebastián Piñera (presidente entre 2010 e 2014) é o gran favorito, pero probablemente necesitará unha segunda volta. Os comicios están marcados polo desinterese da poboación e espérase unha elevada abstención.
Luis Navajas será o substituto provisional de José Manuel Maza á espera dun nomeamento no que deben participar o Rei, o Goberno e o Parlamento
A Unión de Consumidores de Galicia (Ucgal) pide cambiar a "lamentable" estrutura tarifaria da auga en moitos concellos, que "non está pensada para incentivar o aforro"
O 19 de novembro de 1933 as mulleres votaron por primeira vez en España, nas segundas eleccións xerais da Segunda República
Matria, dirixida por Álvaro Gago, obtivo este sábado o premio á mellor curta e á mellor interpretación feminina no Festival Internacional de Cine de Alcalá de Henares. A peza, que xa fora galardoada na Seminci de Valladolid, relata a vida de Ramona, traballadora nunha conserveira, e pretende "desmitificar a idea de que Galicia é un matriarcado"
