Torra desbloquea a formación do novo Goberno catalán con incorporacións de consellers cuxo nomeamento o Goberno de España non poida vetar, o que permitiría poñer fin á aplicación do artigo 155.
![](https://praza.gal/media/cache/live_image/xornal/uploads/falase/foto/5b0d97f0bb6b5-ddkoqvcxkaeoa3v.jpg)
Torra desbloquea a formación do novo Goberno catalán con incorporacións de consellers cuxo nomeamento o Goberno de España non poida vetar, o que permitiría poñer fin á aplicación do artigo 155.
O comisario europeo de Orzamentos axita a opinión pública de Italia ao expresar a súa esperanza de que "os mercados" dean ao votantes italianos sinais tan "drásticos" que os leven a "non elixir a populistas" nas urnas. Ante a controversia creada coas súas declaracións á Deutsche Welle e as diversas traducións difundidas delas, Günther Oettinger, do partido de Merkel, emitiu un comunicado de desculpas.
A selección de fútbol gaélico presenta a súa nova camisola, que estreará no vindeiro Torneo Europeo de Lorient, onde acudirán os combinados galegos masculino e feminino.
O presidente de RTVE admite que "está nos papeis de Bárcenas", pero esgrime que non figura en "papeis manchados de sangue". José Antonio Sánchez afirmouno durante a súa comparecencia na comisión do Congreso que controla a radiotelevisión pública. Vídeo divulgado por @MujeresRtve.
O alcalde de Becerreá, desaloxado do pleno da Deputación de Lugo polo servizo de seguridade da institución por increpar o presidente, Darío Campos, dende a tribuna do público. Manuel Martínez fora previamente expulsado por reclamar intervir fóra da súa quenda. Cóntao El Progreso
A ministra de Defensa e secretaria xeral do PP sentencia que no PP "non hai ningunha caixa B aínda que o diga un xuíz". Na súa comparecencia na comisión que investiga as finanzasd o partido, De Cospedal ameazou con "querelas" ao PSOE por acusala de mentir. Cóntao eldiario.es
O tribunal da Gürtel envia ao cárcere a Bárcenas e outros dous condenados e adía a decisión sobre os demais. Está a contalo eldiario.es
En marcha o trámite da moción de censura a Rajoy formulada polo PSOE. O seu debate depende, en última instancia, da decisión da presidenta da Congreso, Ana Pastor, que a fixou para este xoves e venres.
A Garda Civil volve deter o dono da pirotecnia de Tui que estoupou o mércores tras atoparlle durante a fin de semana máis depósitos de explosivos.
O candidato uribista Iván Duque (39%) e o esquerdista Gustavo Petro (25%) pasan á segunda volta das eleccións á Presidencia de Colombia, que terá lugar o vindeiro 17 de xuño. Sergio Fajardo (23,8 %) quedou fóra por moi escasa marxe.