Un bo número de concellos manterán a incógnita sobre a súa cor política ata o final, ante a falta de acordo entre as distintas forzas. Entre eles, Sarria, Foz, Mugardos, Oia, Viana do Bolo, Baños de Molgas, Ourol ou Ramirás
Fálase
1.2 millóns de galegos e galegas mudarán este sábado de alcalde ou alcaldesa. Sober, ás doce das noite, volveu ser o primeiro concello de toda España en constituírse.
Ás 10 comeza a investidura en Lugo. A socialista Lara Méndez será elixida alcaldesa co apoio de PSdeG, Lugonovo e BNG. Pódese seguir a través da web municipal.
O COB Ourense está "ao 95% en ACB", segundo asegurou o seu presidente aos medios de comunicación. Un grupo empresarial garantiría os 2,9 millóns que o club precisa para confirmar a súa volta á elite.
A débeda pública en Galicia cae en 55 millóns e sitúase no 18% do PIB, segundo o Banco de España. Son dúas décimas menos que ao rematar 2014 (cando supoñía o 18,2%).
O PP podería gobernar Mugardos, a pesar de contar só con 4 dos 13 concelleiros, trala consulta popular realizada por Iniciativa Cidadá de Mugardos, na que se rexeitou o apoio a Pilar Díaz (EU) como alcaldesa. Tamén en Ramirás o PP podería manter o goberno, ante a falta de acordo entre BNG e PSdeG-PSOE. Hai igualmente dificultades para un pacto no Porriño de desaloxe os populares da alcaldía.
Diagonal explica "doce razóns polas que o Patio Maravillas é importante", despois de que este centro social -desaloxado esta semana- ocupara onte un novo edificio. Nos últimos anos deu vida a decenas de colectivos sociais.
O rei revoga o título de Duquesa de Palma de Mallorca á infanta Cristina, que terá que afrontar en breve o xuízo polo caso Nóos
O PP acadará, en principio, a alcaldía de Ourense en minoría, ao non haber acordo entre DO e PSdeG-PSOE. Gonzalo Pérez Jácome anuncia que o seu grupo se votará a si mesmo e insta aos socialistas a apoialo para non permitir un goberno popular.
O deputado socialista Juan Carlos González Santín acredita ante notario que, ao contrario do difundido "en diversos medios de comunicación e redes sociais", non estivo consultando webs de contido erótico no seu escano do Parlamento, senón que a imaxe reproducida foi unha mensaxe publicitaria, derivada dos 'malwares' existentes no seu ordenador. Os ordenadores dos deputados funcionan con Windows por esixencia do propio Parlamento. Pódese descargar a acta notarial nesta ligazón.
