O Claustro da USC reúnese a partir das dez da mañá na Facultade de Medicina para debater os orzamentos para o vindeiro ano. Están convocadas concentracións de estudantes, investigadores e PAS, opostos á xestión do reitor. Pidese a dimisión da xerente da Universidade.
Emili Ferrer Inglés, colaborador de Economistas Frente a la Crisis, escribe unha valiosa reflexión sobre o sistema público de saúde: Defendiendo la Sanidad Pública. Denuncia "o aumento da desigualdade e a instrumentalización política e ideolóxica dos procesos de privatización-externalización"
A Conferencia Episcopal forza a dimisión do deán de Santiago por mor do roubo do códice e da falta de control dos roubos na Catedral.
O Liceo gaña a Supercopa de Europa de hockey despois de remontar a eliminatoria ante o Bassano, ao que gañou en Riazor por 6-2.
PP e PSOE relegan a Vigo a "porto secundario" na Eurocámara, unha consideración que si acada o de Tenerife. Na Rede Transeuropea de Transportes (TEN-T) Vigo segue sendo un centro portuario de segundo nivel e mesmo "complementario" á Coruña.
ARA reflexiona sobre "como ten que vestir un deputado" despois de que a presidenta do Parlamento catalán lle reclamase maior "formalidade" aos deputados da CUP, que responderon que "vimos da rúa e non temos por que agachalo".
A prensa deste mércores está monopolizada polo pacto entre CiU e ERC e o compromiso para convocar un referendo de autodeterminación en 2014. ABC e El Mundo falan de "referéndum ilegal", La Razón de "Alianza para romper España" e La Vanguardia de que "CiU cede ante ERC".
Bancos investiron en preferentes indemnizacións que recibiron as vítimas do 11M. Cóntao a Cadena Ser.
ERC e CiU asinan o pacto de goberno e fixan a consulta para o 2014. Artur Mas podería ser investido presidente da Generalitat este venres, segundo conta El Periódico.
O Concello de Pontevedra recibe o premio europeo Intermodes pola súa política de transporte intermodal.