Jordi Évole gaña o XI Premio Jose Couso á liberdade de prensa que organiza o Colexio Profesional de Xornalistas de Galicia e o Club de Prensa de Ferrol.
![](https://praza.gal/media/cache/live_image/xornal/uploads/falase/foto/554b32d868482-jordi-evole.jpg)
Jordi Évole gaña o XI Premio Jose Couso á liberdade de prensa que organiza o Colexio Profesional de Xornalistas de Galicia e o Club de Prensa de Ferrol.
Os candidatos ás municipais en Lugo acceden ao debate aberto organizado polo Colexio Profesional de Xornalistas. Participan PP, PSdeG, BNG, Lugonovo, ACE e Ciudadanos, celebrarase o día 12 no IES Nosa Señora dos Ollos Grandes e estará moderado pola xornalista Tania Lombao.
Xa están en marcha as eleccións británicas, as máis disputadas das últimas décadas e nas que se prevé un forte ascenso do Scottish National Party, que podería ter na súa man a chave do goberno. The Guardian está a facer un seguimento ao vivo da xornada.
Deputados de PP e PSOE insultan e interrompen o discurso de Teresa Rodríguez (Podemos) no Parlamento andaluz. "Cállate, bonita" ou "no tienes ni puta idea" puideron oírse desde os asentos socialistas e populares.
O ministro Wert reaviva a guerra contra a inmersión en Cataluña e reclama ao Tribunal Superior que os formularios de preinscrición inclúan a opción do bilingüismo. A Generalitat xa prepara alegacións.
Os galegos xeran un 14% menos de lixo pola crise pero pagan até dez veces máis. Construtoras, térmicas, empresas mineiras e metalúrxicas reduciron o volume de residuos un 2,3%.
O ERE de Adolfo Domínguez ameaza a súa fábrica de Ourense. As fillas do modisto trasladan desde hai meses liñas de produción a Madrid.
Xa está en marcha a campaña da USC para fomentar o galego na docencia baixo o lema Ensinas máis do que cres
O BNG propón declarar Santiago "cidade libre de desafiuzamentos". A proposta lanzouna Rubén Cela na súa intervención no Forum Europa.
Este mércores presentouse a sexta edición do festival (S8) Mostra de Cinema Periférico, que se celebrará na Coruña do 3 ao 7 de xuño. Destaca a participación de Ken Jacobs, un dos máximos expoñentes da vanguardia estadounidense, unha retrospectiva da vangarda brasileira (Glauber Rocha, Nelson Pereira dos Santos...) ou a proxección inaugural de El Gabinete del Dr. Caligari con sonorización en directo