Rajoy négao todo: "O PP non ten nin tivo contas nun país extranxeiro. Non temos nada que ver coa conta de Bárcenas". O presidente do Goberno e do PP descarta a súa dimisión nun discurso ante a plana maior do seu partido, e engade que publicará as súas declaracións da renda e de patrimonio
A dirección de TVE impide a emisión dun documental sobre o Prestige. Estaba previsto que Huellas de chapapote se emitise en Documentos TV o pasado domingo pero a programación mudou no último momento co argumento de que se está a desenvolver o xuizo pola catástrofe e que a cadea non quere "interferir en procesos abertos"
A Xunta Electoral Central rexeita a documentación enviada dende o Concello de Monterrei para informar da substitución dun concelleiro do BNG por estar redactada en galego, o que impedirá a súa toma de posesión no vindeiro pleno. O Concello xa remitiu de novo toda a documentación, desta volta en castelán.
Google creará un fondo de 60 millóns de euros para "a transición dixital e a innovación", despois de que durante anos a prensa francesa lle reclamase compensacións por publicar as súas novas en Google News.
El Periódico salienta que a metade dos votantes do PP cren que había unha trama de diñeiro negro organizada na formación, unha opinión que é case unánime nos votantes do resto dos partidos.
Probas do caso Gürtel ligadas a Galicia avalan a veracidade dos papeis de Bárcenas. Os 21 millóns de pesetas que anotou o extesoureiro en 1999 como entregas do partido en Galicia non foron declarados a Facenda, segundo a investigación do Gürtel. Quen entregou eses cartos foi Pablo Crespo, daquela secretario de Organización del PPdeG.
Os xornalistas da redacción de Praza queremos agradecer todos os parabéns e apoios que fomos recibindo ao longo do dia de hoxe a través das redes sociais ou do correo electrónico. Grazas!
O expresidente do Tribunal de Contas, Ubaldo Nieto, aparece como suposto doante do PP nos papeis de Bárcenas
A trama Gürtel pagou viaxes e agasallos á ministra de Sanidade, Ana Mato. Un informe da Policía asegura que a rede corrupta pagoulle incluso festas de aniversario dos seus fillos, segundo conta a Cadena Ser.
Pilar Rojo e a oposición non chegan a un acordo sobre a presenza de convidados nos plenos do Parlamento. José Luis Méndez Romeu, Xosé Manuel Beiras e Francisco Jorquera agradeceron a vontade de "diálogo" de Rojo, pero ratificaron o seu rexeitamento á "restrición" xa que ven "irrenunciable" que a Cámara manteña as portas "abertas" aos cidadáns.
