Arquivada unha das pezas do caso Pokémon que atinxía o ex-alcalde socialista de Ourense, Francisco Rodríguez. O xuíz conclúe que tres dos delitos imputados están prescritos e non atopa indicios dos outros dous que si apreciaba Pilar de Lara. Cóntao El Progreso
As redes sociais recollen un bo número de incidentes, ameazas e ataques racistas, machistas e homófobos que se veñen sucedendo nos Estados Unidos dende a confirmación da vitoria de Trump nas eleccións do pasado martes
A viguesa Irene Garrido, ex-presidenta do ICO, será secretaria de Estado de Economía e Apoio á Empresa, número 2 de Luis de Guindos no Ministerio de Economía
El Diario debulla algunhas das primeiras medidas que podería adoptar Trump unha vez sexa investido presidente: paralizar a redución das emisións contaminantes, poñer fin a tratados de libre comercio vixentes (TPP, NAFTA) e futuros (TTIP), suspender o programa de acollida de refuxiados sirios ou penalizar comercialmente a China
Leonard Cohen morreu esta noite aos 82 anos de idade, segundo se comunicou a través da súa conta de Facebook que non ofreceu máis detalles. O cantautor canadense viña de publicar un album, You want it darker, con excelentes críticas e continuas referencias á morte nas súas letras.
O 52% das novas sobre a comunidade xitana publicadas en Galicia trasladan unha “imaxe negativa”, segundo o informe que edita anualmente a Unión Romaní e que foi presentado este xoves en Pontevedra. Os enfoques negativos na nosa comunidade foron moi superiores á media española (19%). Juan de Dios Ramírez-Heredia, presidente da entidade, incidiu na importancia de “cambiar a mentalidade dos comunicadores”
Galicia gaña relevancia na CPLP. O Igadi analiza a incorporación do Consello da Cultura Galega á Comunidade dos Países de Lingua Portuguesa como observador consultivo. O novo Igadi Paper pódese consultar nesta ligazón.
Ciudadanos ensaia con Arrimadas un discurso propio en Galicia e Euskadi tras os malos resultados electorais. Dirixentes recoñecen o discurso "rancio" fronte ás posicións políticas propias nalgunhas autonomías.
Milleiros de mozos maniféstanse nos EUA contra a vitoria de Donald Trump. As mobilizacións, sen convocatoria previa, comezaron en Nova York e espalláronse por outras localidades. Hai varios detidos.
Montoro prescinde da galega Currás como secretaria de Estado de Presupostos. A alto cargo era a encargada de deseñar as contas para rebaixar o déficit que case lle custa unha multa a España.
