A Deputación da Coruña remite ao xulgado supostas infraccións da institución en axudas entregadas a entidades da trama Zeta entre 2009 e 2012. Recólleo La Opinión
Fálase
-
O TSXG recoñece o dereito a indemnización ás empresas que gañaron o concurso eólico do bipartito e que foi anulado polo actual goberno. O pasado xuño o Supremo ratificou a irregularidade daquela anulación. Cóntao Faro de Vigo
Ás 19 horas comeza a Conferencia Política da CUP, na que a formación exporá a súa proposta de ruptura co Estado e tamén a súa posición con respecto á formación de Goberno en Catalunya e a súa aceptación ou non de Artur Mas como presidente, esixida por Junts pel Sí. O encontro poderá seguirse en directo en streaming.
Barcelona en Comú medita presentarse ás eleccións xerais do 20D. A plataforma abre un debate interno sobre a necesidade de "impulsar contextos supramunicipais".
O Consello da Xunta destitúe a María José Bravo Bosch, delegada en Vigo, imputada na Operación Patos. E a Rogelio Martínez, delegado en Ourense, pendente de ser procesado por delitos de malversación, fraude e prevaricación produto da suposta apropiación de fondos comunitarios cando era alcalde de Arnoia. Son substituídos por Ignacio López-Chavez e Marisol Díaz. Toda a información, esta tarde en Praza.
A xornalista bielorrusa Svetlana Alexiévich, Premio Nóbel de Literatura. É a primeira vez que a academia sueca premia o xénero da reportaxe periodística. A obra máis coñecida de Alexiévich trata as consecuencias da traxedia de Chernóbil e dálles voz ás súas vítimas.
Ás 12 horas comezará a debaterse no pleno da Deputación de Lugo a moción de censura presentada por PSdeG-PSOE e BNG e que converterá en presidente ao socialista Darío Campos. Pódese seguir en directo en streaming.
A Deputación da Coruña deteca "infraccións moi graves" nas axudas concedidas a Gerardo Crespo. O goberno provincial dará conta hoxe en pleno do informe de Intervención que solicitar o BNG.
O Concello da Coruña comeza hoxe a aplicar a Lei da Memoria Histórica rodeado da sociedade civil. A praza de Millán Astray pasarase a chamar praza das Atochas este xoves ás 19 horas.
María José Bravo Bosch, delegada da Xunta en Vigo, será cesada este xoves, informa Faro de Vigo. Será substituída polo actual presidente da Autoridade Portuaria de Vigo, Ignacio López-Chaves, un cargo que será ocupado por Enrique López Veiga. Bravo Bosch declarará o mes que vén como imputada na Operación Patos. O delegado en Ourense, Rogelio Martínez, imputado noutro caso por presuntas irregularidades na xestión de fondos europeos, tamén será cesado.