Antonio Mouriño, deputado do PP e ex alcalde de Celanova, simulou ser despedido da alcaldía para tentar cobrar un mes de paro. Presentou un certificado de destitución asinado polo seu número dous. Era un dos alcaldes que máis cobraba en toda Galicia, recibindo máis de 70 mil euros anuais.
Bruxelas pide devolver as axudas do tax lease entre 2007 e 2011. Máis información, nuns minutos en Praza.
Varias asociacións denuncian que nos últimos meses aumentou a discriminanción laboral por razón de orientación sexual, segundo informa eldiario.es
Currás culpa do fracaso da fusión das caixas ao Goberno de Zapatero. A ex conselleira de Facenda asegura que as novas exixencias de capital impediron que o proxecto "saíse como estaba deseñado" na carta remitida á comisión parlamentaria.
O "pendirve" que Bárcenas entregou ao xuíz eleva a 8,3 millóns o diñeiro negro que se movía en Génova, segundo publica El Mundo.
O Financial Times publica un editorial sobre o caso Bárcenas titulado O velenoso escándalo de financiamento irregular en España no que afirma que "é imperativo que Rajoy compareza no Congreso e conte toda a verdade sobre o que sabe".
A Mutua Galega pretende financiar os despidos dos traballadoresda súa sociedade de prevención, Mugatra SLU, mediante unha rebaixa salarial ao resto da plantilla. Espéranse concentracións de protesta os próximos luns 22 e 29 de xullo ante a sede da Mutua na Coruña.
A protección laboral en España cae por debaixo da media dos países desenvolvidos. Segundo un informe da OCDE, as restricións ao despedimento en España (como indemnización, tempo de proba, ou preaviso), son inferiores ás de países como Alemaña, Francia ou Holanda.
Bruxelas decide hoxe o futuro da construción naval privada en España. O Goberno busca suavizar o efecto da devolución do tax lease e atrasar a data inicial do reembolso até 2011. Os traballadores das empresas de Vigo mantiveron un peche ao longo do día e da noite de onte en espera da decisión.
Gómez Besteiro afirma que o apoio de Caamaño á súa candidatura "clarifica o proceso de renovación" do PSdeG. O ex ministro de Xustiza expresou este apoio nunha entrevista publicada por El País.
