O Sindicato Labrego Galego participa este mércores no Parlamento Europeo no seminario Impacto da liberalización do sector lácteo en Europa: Que futuro?, promovido polos eurodeputados Lidia Senra (AGEe), Josu Juaristi (EH Bildu) e a finesa Merja Kyllönen (Left Alliance), todos do grupo GUE/NGL.
Galicia rexistra 2.639 inscricións menos no desemprego en agosto. O paro rexistrado queda en 213.732 persoas, un 9,79% menos que hai un ano. No conxunto do Estado rexistrouse unha suba intermensual do 0,54% e unha baixada interanual do 8,13%. No mesmo período a afiliación á Seguridade Social aumentou en 5.317 persoas (+0,56%) e o incremento interanual é do 2,29%. Máis información, hoxe en Praza.
Este mércores comeza a folga no Diario de Ferrol, provocada polos últimos despedimentos. O persoal do grupo La Capital apoia a mobilización no xornal ferrolán e pide azos ao conxunto da cidadanía.
A Iniciativa Pola Unión celebrou este martes o seu acto de presentación pública, no que chamou á "unidade" para a conformación dunha candidatura galega. No evento tamén participaron representantes do Encontro Cidadán por unha Marea Galega. (imaxe de Pilar Fernández).
Galicia tería que acoller apenas 300 persoas se o Estado aceptase a cota de poboación refuxiada que reclama a UE
Eldiario.es analiza a reforma exprés do Constitucional coa que o PP irrompe na campaña electoral catalá. "O TC non está concibido como un xendarme de urxencia", advirte Xuíces para a Democracia.
Falece Pepa Noia, a galega que constribuíu á fundación das Nais da Praza de Maio. Faro de Vigo traza o seu perfil.
O embaixador de Xapón fala en galego ante un Feijóo que usa o castelán na sinatura dun convenio para promover conxuntamente os camiños de Santiago e o da illa nipoa de Shikoku. Varios colectivos como Prolingua censuran o "ridículo" do presidente galego.
Rafael Louzán dimite como deputado da Deputación de Pontevedra. O tamén presidente da Federación Galega de Fútbol "seguirá realizando labores de asesoramento e coordinación como presidente provincial do partido", segundo indica o PP.
O PP lanza unha reforma legal para que o Constitucional poida sancionar a Artur Mas e a Generalitat. "La broma se ha terminado", proclama o candidato do PP ás eleccións catalás, García Albiol. Recólleo eldiario.es
