O Parlamento aproba os Orzamentos de 2015 só cos votos do PP e sen ningunha das máis de 1.200 emendas da oposición.
![](https://praza.gal/media/cache/live_image/xornal/uploads/falase/foto/54902298d2975-1545910_307399226116405_7836674005844216879_n.jpg)
O Parlamento aproba os Orzamentos de 2015 só cos votos do PP e sen ningunha das máis de 1.200 emendas da oposición.
José Manuel Baltar reitera que demandará o ex xerente do PP de Ourense por declarar ante a xuíza De Lara que o partido se financiou ilicitamente a través de facturas falsas. O subdelegado do Goberno central na provincia, Roberto Castro, di estar "sorprendido" por figurar no auto da xuíza e asegura que non hai factura ningunha ao seu nome.
Rajoy designa o deputado Rafael Hernando como novo voceiro do PP no Congreso. Hernando foi protagonista de múltiples declaracións polémicas nos últimos anos e atribúeselle un intento de agresión a Rubalcaba tras un debate no ano 2005.
A Marea Azul, que se vén mobilizando na defensa dos dereitos do persoal público da Xunta, emprende unha campaña solidaria e comeza realizando unha doazón á Cociña Económica de Santiago
Detidos dous dos presuntos asasinos do afeccionado do Deportivo, segundo adianta El País. Máis de trinta persoas foron arrestadas polos altercados protagonizados hai dúas semanas. Toda a información, hoxe en Praza.
A policía detén 30 membros do Frente Atlético, segundo adianta eldiario.es. Un ultra do Deportivo foi asasinado hai dúas semanas por membros desta peña de ultradereita en Madrid.
O pleno do Parlamento aproba hoxe definitivamente os Orzamentos de 2015 e, pola tarde, a versión recortada da ILP que pretendía garantir os servizos pendentes para o Hospital de Lugo
FACUA-Consumidores en Acción convoca un apagón este mércores ás 19 horas para pedir que o Goberno interveña o sector eléctrico para establecer unha tarifa máis económica sobre a base do custe real, a fin das portas xiratorias entre a política e as grandes eléctricas ou a a prohibición dos cortes de luz por impago no inverno.
Dúas peticións galegas en Change.org, na escolma de vitorias do ano da plataforma. O vídeo, que destaca sete iniciativas que ao longo de 2014 acadaron o seu obxectivo, escolleu a creada pola Asociación Animalista Libera para solicitar o endurecemento das penas por malos tratos animais e a conseguida por Francisco Yépez, que logrou que Vigo teña un servizo de atención para lesionados medulares.
Gerard López, empresario luxemburgués con orixe en Riotorto, presentará unha oferta para facerse coas accións do CD Lugo que posúen o Concello e a Deputación Provincial, converténdose no máximo accionista, co 49% do clube.