A Assembleia de Portugal aproba a recuperación das 35 horas semanais para o persoal da Administración pública. O proxecto saíu adiante cos votos das forzas de esquerda que sustentan o Goberno de António Costa.
Fálase
-
DOCUMENTOS A Xunta Electoral publica o plan de cobertura electoral de RTVE e a distribución dos espazos de propaganda electorais nos medios públicos estatais
Un deputado do PP de Asturias pide cárcere para dous xornalistas por publicar que foi condenado, nova que era real.
A Fiscalía ordena prorrogar en bloque as causas penais que terían que ser pechadas en xuño pola nova lei de axuizamento. Cóntao Faro de Vigo
O sumario da Púnica revela un pagamento de 47.000 euros de Granados a unha revista editada en Ourense. Segundo conta El País, o obxecto do contrato eran publirreportaxes sobre Madrid pero o único publicado foi unha entrevista co antigo número dous de Esperanza Aguirre.
Comeza nestes momentos a conferencia que ofrecen Xosé Manuel Beiras e Julio Anguita en Madrid baixo o título de "A esquerda ante a reconfiguración do capitalismo global". Pódese seguir en directo a través de Público
Feijóo defende que o Goberno en funcións exima a Reganosa da avaliación ambiental e lembra que a Xunta é accionista. Di que o peche da planta obrigaría a abastecer Galicia desde Huelva con 7.000 cisternas por semana.
Compromiso por Galicia expulsa os seus edís de Sarria para frear a moción de censura contra a alcaldesa, do PSdeG. Deste xeito, di Xoán Bascuas, as sinaturas dos edís fican "inhabilitadas" para apoiar a operación.
O paro rexistrado baixa en 7.689 persoas en Galicia en maio e a cifra total de inscricións nas oficinas de emprego fica en 220.464. O descenso interanual é de 16.517 persoas. A afiliación á Seguridade Social subiu en 5.824 persoas a respecto do mes anterior e en 11.841 con relación ao pasado ano. Máis información, hoxe en Praza.
Galicia importa xa máis de 2.000 millóns de euros en peixe ao ano pola falta de frota. Cóntao Faro de Vigo