A iniciativa coruñesa Acampa pola paz e o dereito ao refuxio celebrará a súa edición 2019 á vez na cidade herculina e no Brasil, na localidade de Piracicaba, a 150 quilómetros de São Paulo. Esta posibilidade xa foi adiantada ao remate da edición 2018 polo profesor Marcos Sorrentino (Universidade de São Paulo), ao que entrevistamos días despois do triunfo de Bolsonaro.
Pablo Iglesias reúnese cos traballadores de Alcoa na planta da Coruña. O secretario xeral de Podemos amosa o seu apoio ao persoal mobilizado contra o peche da factoría anunciado pola multinacional.
No día despois das eleccións en Andalucía, a prensa reflexiona sobre as razóns do auxe da extrema dereita. Ao tempo que Vox recibe as felicitacións de Marine Le Pen e outros líderes da ultradereita. Hai unhas semanas, unha xornada de debate na Coruña alertou de que Vox marcase "a axenda política do conxunto da dereita española"
PP (26 escanos), Ciudadanos (21) e Vox (12) suman maioría absoluta en Andalucía (59 dos 109 escanos) grazas á irrupción da formación de extrema dereita, que obtén uns 400.000 votos, o 11% do total. O PSOE de Susana Díaz cae de 47 a 33 escanos tras 36 anos na Junta de Andalucía.. Segue aquí o minuto a minuto.
Os líderes independentistas cataláns Jordi Sànchez e Jordi Turull inician no cárcere unha folga de fame indefinida en protesta pola súa situación xudicial. Moncloa responde que teñen garantido un xuízo xusto e “a protección do estado de dereito”. Este sábado Òmnium Cultural distribuíu a primeira imaxe dos políticos cataláns na cadea.
O PSdeG homenaxea os seus afiliados con máis de 40 anos de militancia. Os socialistas recoñecen o traballo dos militantes que levan no partido desde 1978 cun acto en Santiago no que participou quen foi presidente do Parlamento Europeo e ministro de Transportes. O secretario xeral, Gonzalo Caballero, vén esforzándose en presentarse como continuador dos proxectos de Laxe e Touriño.
O PSdeG homenaxea os seus afiliados con máis de 40 anos de militancia. Os socialistas recoñecen o traballo dos militantes que levan no partido desde 1978 cun acto en Santiago no que participou quen foi presidente do Parlamento Europeo e ministro de Transportes. O secretario xeral, Gonzalo Caballero, vén esforzándose en presentarse como continuador dos proxectos de Laxe e Touriño.
Este sábado día 1 de decembro é o día mundial da loita contra a sida. Desde 1984 en Galicia morreron xa máis de 3.000 persoas por unha enfermidade que actualmente se contaxia no 90% dos casos por relacións sexuais sen preservativo.
Desde a pasada noite xa non se cobra peaxe na autoestrada A-1 entre Burgos e Euskadi, construída á vez que a AP-9, que segue a subir os seus prezos apelando a “que nada interrompa o pracer de conducir”.
O primeiro ministro de Portugal, António Costa, anuncia ao defender os seus orzamentos para 2019 que “até ao final deste ano pagaremos a totalidade da dívida ao FMI”, 28.000 millóns achegados en 2011 para o rescate financeiro. Farao varios anos antes do previsto, pero dentro de dous anos Portugal terá que comezar a devolver a súa parte do rescate, 52.000 millóns, á Unión Europea.
