Fálase

As start-ups españolas captaron máis de 50 millóns de euros dende maio. A entrada de capital máis importante correspondeu a Privalia, que captou máis de 25 millóns. El armario de la tele, We Are Knitters, Funidelia, Ticketea ou Akamon tamén recibiron cantidades importantes.

Digg Reader nacerá o 26 de xuño, 5 días antes do peche de Google Reader. Será un servizo gratuíto pero terá unha versíón premium.

Nace Troco por troco, un circuito de intercambio escénico entre Galicia e Portugal. Catro espazos galegos e catro portugueses e outras tantas compañías de ambas as dúas beiras do Miño conforman este programa

Este mércores preséntanse querelas criminais simultáneas contra militares de cinco países da OTAN, entre eles España, por non axudar una patera que fuxía de Libia. Morreron 63 persoas. "Viron a nosa patera, amosámoslle un bebé morto. Non nos xyudaron".

O Grupo Ábaco CineBox entra en liquidación e deixa no aire o futuro das salas Cinebox de Ourense. O grupo, que xa pechou entre outras as salas de Vialia Pontevedra, ten unhas 200 salas en toda España.

Compostela acollerá o primeiro curso de Crafting Type en España o 29 e 30 de xuño. Trátase dun workshop intensivo que introduce os seus alumnos no deseño tipográfico.

O Goberno central recortou a alcaldesa de Alacant, Sonia Castedo (PP), presunta implicada nunha trama corrupta, das fotos oficiais da inauguración da liña de AVE á cidade. Cóntao Público.es

O director xeral de Relacións Institucionais e Parlamentarias, Gonzalo Ordóñez, censura que o PSdeG proteste "na prensa" a respecto da política laboral da CRTVG. Insta os socialistas a facer o propio no Parlamento.

A Deputación de Lugo lanza un programa de campamentos de baldepara nenos e nenas con 765 prazas.

O Ministerio do Interior gasta 32 millóns de euros en seis helicópteros para a Policía e a Garda Civil. Cóntao El Periódico de Catalunya