O Tribunal Superior de Xustiza de Catalunya delibera este mércores sobre o recurso presentado pola Generalitat á sentencia que obriga ás escolas a incluír o castelán coa lingua vehicular. A sentencia agárdase con moita expectación e distintos colectivos como somescola.cat ou Escola en català preparan unha campaña de mobilizacións no caso de que o TSJC non defenda o modelo de inmersión lingüística.
Fálase
O índice de produción industrial de Galicia volveu marcar un dato moi negativo durante o mes de xaneiro. Anotouse unha caída do 9,2%, fronte á contracción do 2,4% do conxunto do Estado. O galego foi o segundo peor dato de toda España, só por detrás de Madrid.
O Goberno de Navarra instala paquetes de Office de software libre nos seus 9 mil equipos, que convivirán co Microsoft Office, xa instalado, coa idea de facer definitiva nos vindeiros meses a migración a programas libres.
A industria cultural comezou a presentar denuncias contra webs con contidos protexidos con derechos de autor, seguindo a Lei Sinde-Wert. Hai 25 webs denunciadas, entre elas seriespepito.com, elitetorrent.net, pordescargadirecta.com, foroxd ou gratisjuegos. Non está na lista seriesyonkis.com porque ten un proceso xudicial aberto en Murcia.
Prepárase unha guerra de bandeiras en Catalunya? A delegada do Goberno, Maria de los Llanos de Luna, enviará un requerimento aos concellos que non teñan a bandeira española na fachada, e denunciaraos se non a incorporan. O portavoz do Goberno catalán, Francesc Homs, manifestou a súa "sorpresa" por que esta sexa a "prioridade" do Estado central.
Está a piques de comezar #NeThinking na Illa de San Simón, un evento que hoxe e mañá reunirá na Illa de San Simón unha ducia de expertos en comunicación e redes sociais, entre eles Mario Tascón (@mtascon), Eduardo Arcos (@earcos), José Jiménez Moltó (@kurioso) ou Nacho Vigalondo (@vigalondo). Poderá seguirse en streaming e por twitter.
Romney gaña pero non decide nun supermartes que non o foi tanto. Imponse nas primarias republicacanas en seis estados: Massachusetts, Idaho, Vermont, Virginia, Alaska e o decisivo Ohio, pero Santorum gaña en tres (Tennessee, Oklahoma e Dakota do Norte) e Gingrich en Georgia. A resistencia de Santorum, que estivo a piques de dar a sorpresa en Ohio (obtivo o 37% dos votos, fronte ao 38% de Romney, e impúxose na maioría dos condados) fai que a estas alturas aínda non se poida declarar un gañador, ao contrario do que viña sucedendo en procesos anteriores. Explícao Gonzalo Rivero nun artigo en Praza.
Co gallo do primeiro aniversario da catástrofe de Fukushima, Greenpeace España publica unha exposición de fotos e un especial sobre a enerxía nuclear. Neste enlace podes visitar esta exposición virtual e obter información moi interesante nunha viaxe a través de imaxes interactivas. Preme aquí
A Fiscalía abre dilixencias penais polas cargas policiais nas manifestacións estudantís de Valencia. Cóntao La Información.
José Blanco di, a preguntas dos xornalistas no Congreso dos Deputados, que "xa se coñecían hai moitos días" as gravacións telefónicas do caso Campeón. "O que teño que dicir dígollo ao xuíz", sinala.