Un grupo de obreiros das empresas de construción naval de Ferrol e Fene iniciaron ás nove da mañá unha marcha que os levará á Coruña, onde o xoves se manifestarán diante da delegación do Goberno. Ao mediodía estarán en Pontedeume e pola noite en Miño.
Falece o pintor e escultor Antoni Tàpies aos 88 anos. O diario Ara realiza un percorrido pola súa vida e obra.
Executiva do BNG: Ana Pontón, nova voceira parlamentaria do Bloque. Substitúe no cargo a Carlos Aymerich.
Hoxe tamén é o Día Internacional contra a Mutilación Xenital Feminina. Un grupo de estudo da Universidade Autónoma de Barcelona calcula que, só no Estado español, arredor de dez mil nenas corren o risco de seren vítimas desta práctica.
A prima de risco de Portugal volveu subir este mércores por riba dos 1.150 puntos básicos. Este indicador reflicte o sopreprezo que ten que pagar o Estado luso para colocar a súa débeda soberana respecto de Alemaña
Dous anos de sanción para Contador. Perde os triunfos no Tour 2010 e o Giro 2011 e non poderá correr o Tour deste ano, ademáis dos Xogos Olímpicos de Londres.
Enquisa CIS: No referido ao voto estimado, o PP perde, cun 42,7 %, dous puntos a respecto das eleccións xerais, aínda que segue a unha notable distancia do PSOE, de 14,7 puntos. O inquérito adxudícalle ao BNG un 0,5 %, fronte ao 0,7% que obtivo nos comicios do 20N.
Enquisa CIS: O PP mantense nunha intención de voto do 30,5%. O PSOE sobe lixeiramente algo menos dun punto e queda no 18,2% dos enquisados. O BNG perde dúas décimas e a enquisa outórgalle o 0,2% estatal.
Na súa toma de posesión como presidente da Deputación de Ourense, Manuel Baltar subliñou que o seu nomeamento contou co "apoio inequívoco" da "dirección autonómica" do PPdeG. No acto estaba presente Alfonso Rueda.
A política europea de Alemaña comeza a ser cuestionada abertamente. Os detalles, en La Vanguardia.