Rajoy, máis merkelista que Merkel, defende que “a austeridade non é de Merkel, é de toda a UE”, ao tempo que a Canciller alemán pasa a defender un "crecemento con reformas", ante as críticas ás políticas aplicadas pola UE que chegan dende Francia e do presidente do BCE, Mario Draghi.
Fálase
A prima de risco de España sobe despois de que onte a última hora Standard & Poor’s rebaixase dous chanzos a cualificación da débeda española, situándoa en BBB+, a só tres pasos do bono basura. Nestes momento a prima supera os 433 puntos, subindo 18 dende onte.
Código Cero celebra o seu décimo aniversario. Faino cun acto na Biblioteca de Galicia no que, introducida polo tecnólogo Xavier Alcalá, a secretaria xeral Mar Pereira presentará a Axencia de Modernización de Galicia e, posteriormente, Xosé María Fernández Pazos, creador de Código Cero, e Afonso Cabaleiro, falarán sobre a revista especializada en tecnoloxía. Parabéns!
O Comité de Empresa de Edicións El País anuncia as primeiras medidas contra o ERE no xornal, entre elas redactar un escrito de reprobación, retirar a sinatura das informacións, difundir a súa situación con insercións publicitarias noutros medios de comunicación ou recoller sinaturas "a favor de manter os contidos e o espírito fundacional" do xornal
De Guindos, Sáenz de Santamaría e García-Margallo explicaranlle a "axenda reformista" do Goberno español ao ministro de Finanzas alemán nunhas xornadas en Compostela o vindeiro luns.
O pleno do Concello de Ferrol aproba a declaración de apoio ao sector naval cos votos de PP, PSOE e IU. O BNG vota en contra e IF abstense. Os traballadores agardaron fóra á decisión. Imaxe de @MartadeDios
O Comité Interempresas da CRTVG convoca unha concentración diante do Parlamento "contra a represión dos traballadores". Será mañá venres ás dez da mañá
PSdeG e BNG censuraron hoxe de novo as medidas da Xunta "contra a lingua galega". Durante a comparecencia no Parlamento do secretario xeral de Política Lingüística o socialista Francisco Cerviño lamentou que o Goberno poña en risco o idioma por "contentar unha pandilla de pijos", "quedar ben diante da extrema dereita mediática" e "un puñado de votos". Dende o BNG, Bieito Lobeira reprochou que os altos cargos da Xunta "incumpran" o acordo de utilizar o galego en público e protagonicen un "trienio negro" para o idioma.
Amores Prohibidos achégase ao desenlace, que terá lugar mañá, e as cousas complícanse. Despois da pelexa de onte no instituto, Romero foi expulsado polo Consello Escolar e internado polos seus pais no Peleteiro de Santiago. Romero está incomunicado e non recibe as mensaxes de Xiana. A última novidade é que Xiana desapareceu, e os seus amigos están buscándoa.
Esta tarde celébrase en Vigo o funeral e enterro de Xaime Isla Couto, o derradeiro representante da Xeración Galaxia, que faleceu onte con 97 anos de idade. O enterro terá lugar a partir das cinco no Cemiterio Municipal Pereiró.
