Pedro Sánchez anuncia unha rolda de chamadas telefónicas a Pablo Iglesias, Pablo Casado e Albert Rivera para coñecer a súa "defisión final" sobre a investidura antes de reunirse co rei
Fálase
-
O catedrático de Dereito Mercantil Xosé Antón Gómez Segade, galardoado co II Premio Luís Porteiro Garea como pioneiro no uso do galego nas aulas. No acto de entrega, Gómez Segade declarou que a defensa do idioma é un “deber para protexer a biodiversidade cultural”. A USC destaca que foi "un referente lingüístico para centos de alumnas e alumnos que hoxe son profesionais da Xustiza, da Administración ou da empresa”
Rivera pide por carta unha xuntanza "urxente" a Pedro Sánchez nas horas previas a acudir á rolda de consultas co rei e tras negarse a reunirse co líder do PSOE nos últimos meses.
Unidas Podemos ratifica a través de Yolanda Díaz a súa intención de mantérense na abstención nunha eventual nova investidura de Pedro Sánchez se o PSOE non accede a "formalizar un Goberno de progreso" de coalición. Así o afirmou a deputada de Galicia en Común tras a súa xuntanza co rei na rolda de consultas.
A xornalista galega Yessi Bello, candidata ao premio á mellor reporteira no eido tecnolóxico nos Inclusive Tech Alliance Awards 2019. Bello é xornalista en The Next Web, un portal de tecnoloxía ligado ao Financial Times e é experta en criptomoedas, tema que abordou o pasado xullo no podcast Té con Gotas, que podes volver escoitar nesta ligazón
Falece Ascensión Mendieta, impulsora xunto ao galego Darío Rivas da querela arxentina contra o franquismo. Ascensión tornou en emblema da loita pola memoria histórica para lograr recuperar os restos mortais do seu pai, asasinado polos franquistas. (Imaxe remitida pola familia de Ascensión Mendieta tras o falecemento de Darío Rivas, o pasado abril)
Albert Rivera propón agora ao PP unha abstención conxunta na investidura de Pedro Sánchez se o PSOE cumpre condicións como renunciar ao Goberno de Navarra, avanzar cara á aplicación do artigo 155 da Constitución a Catalunya ou "reverter" eventuais subas de impostos. Sánchez desbótao e pide a C's unha "abstención técnica". Está a contalo eldiario.es
Asasinadas en Valga tres mulleres dunha mesma familia. As forzas de seguridade abórdano como un posible caso de violencia machista, segundo adianta a Radio Galega. A información en actualización, neste espazo de Praza.gal
O Partido Socialista afronta as eleccións portuguesas de outubro cunha vantaxe de 16 puntos sobre o PSD, segunda forza, segundo un inquérito que publica o Jornal de Notícias. Segundo esta sondaxe, a principal formación do centro-dereita non aproveitaría a lixeira caída dos de António Costa que prognostican as sondaxes.
O vicepresidente, Alfonso Rueda, asume a xestión ordinaria da Presidencia da Xunta ata que Feijóo regrese da viaxe oficial á Arxentina que iniciou este domingo. O DOG publica este luns o decreto de substitución
