Estase a desenvolver o xuízo contra as 12 persoas que o 8 de febreiro de 2009 protestaron contra a manifestación de Galicia Bilingüe en Compostela. No exterior dos xulgados de Fontiñas unha concentración apoia os acusados, para os que o fiscal pide 45 anos de cadea. Imaxe: @diarioliberdade
Os xornalistas de TVE recoñecen que se favoreceu o PP na cobertura electoral. O Consello de Informativos asume que se deu prioridade aos conservadores fronte a outras forzas nos comicios galegos e vascos.
A BBC detalla estes días o escándalo que a afecta a ela mesma polo presunto ocultamento de casos de abusos sexuais protagonizados polo que fora unha das estrelas da canle, Jimmy Savile. Na web da BBC Mundo.
O PIB caeu un 0,4% en España no terceiro trimestre, segundo datos do Banco de España.
Máis de 40 premios Nobel alertan a Europa da desfeita que supoñen os recortes en I+D. Importantes científicos piden nunha carta aberta aos gobernos que apoien a ciencia.
Unha televisión alemá alerta que xa existe traballo infantil en Portugal. A RTL emite unha reportaxe na que se advirte que hai nenos que traballan logo de facer os deberes. Cóntao El Diario.
Facenda descontará aos funcionarios a cotización pola extra de Nadal que non cobrarán.
Antoni Domènech, G. Buster e Daniel Raventós analizan en Sin Permiso os resultados das eleccións do 21-O. Celebran o crecemento da esquerda antineoliberal en Galicia e Euskadi e anticipan que se achega unha "treboada" en outono por mor do rescate, os novos recorte e "a crise do réxime".
Un grupo de persoas afectadas polos desahucios comezan unha acampada indefinida ante a sede de Bankia para esixir a dación en pago e o aluguer social. A protesta está promovida pola Plataforma de Afectados pola Hipoteca e varias asembleas de barrio do 15M.
Os malos resultados electorais do PSOE en Euskadi e sobre todo en Galicia e a súa influencia na estatexia do partido en toda España destacan nas portadas de prensa impresa esta mañá: "El PSOE promete una "renovación ideológica" tras su desplome" (El Pais), "La devacle electoral reabre la inestabilidad en el PSOE" (La Vanguardia) ou "La devacle del PSOE fuerza un giro social en el PSC" (El Periódico)
