Disquecool dá a coñecer os nove proxectos seleccionados para participar no Off Culturgal deste ano, que se celebrará entre o 5 e o 7 de decembro no marco do Culturgal.
Fálase
O curioso incidente do can a media noite, de Mark Haddon, é o libro mái lido nos clubes de lectura das bibliotecas escolares galegas, segundo publica o blog Ler en mancomún. Ségueo O neno do pixama a raias (John Boyne), A praia dos afogados (Domingo Villar) e Cartas de inverno (Agustín Fernández Paz), nunha lista con obras tamén de Xulia Alonso, Marcos Calveiro e Pedro Feijoo.
O Supremo investigará a Chaves e Griñán polo caso dos ERE en Andalucía.
O gasto en I+D en España segue descendendo, segundo os datos que vén de publicar o INE. En 2013 foi de 13.052 millóns de euros, 340 millóns menos que o ano anterior, e tan só o 1,24% do PIB, cada vez máis lonxe do obxectivo do 3% fixado pola UE para 2020. Ademais, España perdeu 3.195 investigadores e investigadoras no último ano.
O PSOE pronúnciase sobre as ordes de detención cursadas por Interpol para os ex ministros de gobernos franquistas. A través do seu portavoz no Congreso, Antonio Hernando pide "respectar o que diga a Audiencia Nacional e o que establece a legalidade vixente".
Jon Díez Domínguez, director de fotografía, denuncia que tras ser contratado para traballar nunha maqueta do anuncio da Lotaría de Nadal (realizado por RCR Films e Leo Burnett) que finalmente foi seleccionada por Loterías del Estado, nin cobrou polo traballo nin foi incluído na realización final do spot.
Gallardón declara ao Congreso que está en números vermellos. Afirma ter unha conta corrente con saldo negativo e di que hai veces que moitas veces "non chega a fin de mes".
Xa está en marcha a recollida de achegas para pagar a sanción do bombeiro que se negou a desafiuzar unha anciá, Roberto Rivas, e ao resto de multas impostas a persoas que tentaron deter o desaloxo. Toda a información, na web de Stop Desafiuzamentos A Coruña e hoxe en Praza.
O Ateneo Ferrolán estuda pagar a débeda que lle reclama Mudanzas Félix, ao redor de 40 mil euros, con 82 obras de arte. Un perito taxará os fondos para verificar o seu valor.
La Opinión destaca que o alcalde da Coruña elixiu o castelán para falar na Cámara Municipal do Porto. Carlos Negreira naceu en Rio de Janeiro e é quen de falar con fluidez en galego, subliña.