O PSOE pronúnciase sobre as ordes de detención cursadas por Interpol para os ex ministros de gobernos franquistas. A través do seu portavoz no Congreso, Antonio Hernando pide "respectar o que diga a Audiencia Nacional e o que establece a legalidade vixente".
Fálase
Jon Díez Domínguez, director de fotografía, denuncia que tras ser contratado para traballar nunha maqueta do anuncio da Lotaría de Nadal (realizado por RCR Films e Leo Burnett) que finalmente foi seleccionada por Loterías del Estado, nin cobrou polo traballo nin foi incluído na realización final do spot.
Gallardón declara ao Congreso que está en números vermellos. Afirma ter unha conta corrente con saldo negativo e di que hai veces que moitas veces "non chega a fin de mes".
Xa está en marcha a recollida de achegas para pagar a sanción do bombeiro que se negou a desafiuzar unha anciá, Roberto Rivas, e ao resto de multas impostas a persoas que tentaron deter o desaloxo. Toda a información, na web de Stop Desafiuzamentos A Coruña e hoxe en Praza.
O Ateneo Ferrolán estuda pagar a débeda que lle reclama Mudanzas Félix, ao redor de 40 mil euros, con 82 obras de arte. Un perito taxará os fondos para verificar o seu valor.
La Opinión destaca que o alcalde da Coruña elixiu o castelán para falar na Cámara Municipal do Porto. Carlos Negreira naceu en Rio de Janeiro e é quen de falar con fluidez en galego, subliña.
Martín Villa quere declarar ante a xuíza Servini de Cubría para defenderse sen "o parapeto" do Goberno. O ex ministro franquista, reclamado pola xustiza arxentina, tamén pensa en comparecer ante o Congreso dos Deputados.
A xuíza De Lara pide explicacións sobre as fotos en Twitter da detención dunha testemuña da Pokémon. A policía local de Ferrol bromeou sobre o incautado ao detido.
O museo Marco de Vigo celebra o seu 12º aniversario coa ampliación de horarios e actividades para todos os públicos.
El País relata a amizade de Feijóo e Pachi Lucas, conseguidor da trama Zeta, que leva quince anos ao lado do presidente da Xunta, é habitual dos actos políticos e traballou para o PPdeG.