A Fronte Obreira Galega (FOGA) asina con Ana Pontón a súa integración no BNG. "É un día gratificante e de celebración porque sumamos máis persoas e máis pluralidade para redeseñar a casa común do nacionalismo", di a portavoz nacional do Bloque.
Fálase
-
Feijóo rexeita promover unha tarifa eléctrica galega: "Ningún español o entendería". O presidente da Xunta considerou este venres, a preguntas da prensa, que "este tipo de plantexamentos non se sosteñen nin en España nin en Europa" porque implicaría que a tarifa varíe "en función do punto quilométrico no que se viva". O PP xa rexeitara esta proposta do BNG no Parlamento, aínda que votou a prol da mesma na Deputación de Lugo.
Suspendida a poxa dos terreos da Solana tras a xuntanza do alcalde da Coruña con Puertos del Estado. O proceso fica paralizado mentres continúan as conversas co Concello coruñés. A información, esta tarde en Praza.
O triatleta Javier Gómez Noya regresa á alta competición gañando o medio Iron Man de Dubai
VÍDEO | Manual de axuda para neofalantes, por Belén Regueira. A CTNL continúa a publicar os vídeos da segunda edición do LGx15, o evento que xunta ideas, reflexións e creacións a prol do futuro do idioma.
O Celta enfrontarase ao Alavés nas semifinais da Copa do Rei. O partido de ida disputarase en Balaídos o día 1 de febreiro.
A Xunta propón o catedrático Santiago Lago como representante galego no grupo de expertos do financiamento autonómico. Lago é catedrático de economía aplicada na Universidade de Vigo e director do Foro Económico de Galicia
O Concello de Sarria aproba a contratación do tesoureiro e poderá retomar os pagamentos. O PP, que bloqueara o acordo por dúas veces, abandonou o pleno municipal xunto aos non adscritos antes da votación. Cóntao El Progreso
O PP de Valencia pagou a defensa dos seus imputados na Gürtel con cartos públicos. O grupo parlamentario abonou as minutas de varios investigados polo financiamento ilegal do partido na época de Camps.
O Estado ordenará cargar no recibo da luz o canon que a Xunta cobra ás eólicas. Enerxía lanza a orde coas subas en catro comunidades polos seus impostos ás eléctricas en 2013, un tributo que en Galicia suma 23 millóns de euros. Cóntao Faro de Vigo.