O Concello de Sarria aproba a contratación do tesoureiro e poderá retomar os pagamentos. O PP, que bloqueara o acordo por dúas veces, abandonou o pleno municipal xunto aos non adscritos antes da votación. Cóntao El Progreso
Fálase
-
O PP de Valencia pagou a defensa dos seus imputados na Gürtel con cartos públicos. O grupo parlamentario abonou as minutas de varios investigados polo financiamento ilegal do partido na época de Camps.
O Estado ordenará cargar no recibo da luz o canon que a Xunta cobra ás eólicas. Enerxía lanza a orde coas subas en catro comunidades polos seus impostos ás eléctricas en 2013, un tributo que en Galicia suma 23 millóns de euros. Cóntao Faro de Vigo.
Trump prevé que México pague o muro cun arancel do 20% ás súas exportacións aos EUA. O paíz azteca insiste en que nunca pagará o valado proposto polo presidente estadounidense, que volveu cargar contra os medios nunha entrevista na FOX.
Un xulgado de Ourense arquiva o coñecido como caso das depuradoras por suposta fraude en adxudicacións da Deputación. O único investigado era o antigo enxeñeiro xefe do ente provincial e o xulgado subliña que "os delitos de tráfico de influencias e fraude de subvencións" estarían prescritos, porque os feitos datan dos anos 2003 e 2004.
O BNG anuncia a sinatura da integración da Fronte Obreira Galega no Bloque. Formalizarase nun acto en Vigo este venres no que participarán Ana Pontón e Xosé Carlos de la Fuente, presidente da FOGA.
Os sindicatos cifran entre un 70 e un 80% o seguimento na folga de telemárketing. CIG e CGT convocaron mobilizacións esixindo un convenio "xusto e digno". Foto de BNG.
Racha o principio de acordo ao que chegaran Marea Atlántica e PSdeG-PSOE para os orzamentos da Coruña. O Goberno local inicia o procedemento para a presentación dunha cuestión de confianza que lles permita aprobar as contas. "A Coruña non pode seguir agardando a que o PSOE amañe as súas cuestións internas", di Marea Atlántica, que acusa os socialistas de incumprir o pactado este mércores. Consulta aquí toda a información
Rajoy declárase "sorprendido" por que o PP pedise a nulidade do xuízo da Gürtel. Afirmouno nunha entrevista en Onda Cero.
O paro baixou en Galicia en 18.500 persoas en 2016 e en 2.600 persoas no último trimestre, segundo a EPA. No cuarto trimestre do pasado exercicio, a ocupación diminuíu en 8.300 persoas. Máis información, esta mañá en Praza.