Cospedal anuncia que abandona o seu escano no Congreso. Di que o fai "para liberar o PP de calquera ataque".
Fálase
-
Un xulgado anula 156 nomeamentos en comisión de servizos de funcionariado do Concello da Coruña por excederen o límite de 2 anos para esta figura laboral na Administración. A sentenza, resultado dunha denuncia da CIG, atinxe a 79 designacións do actual goberno local, 71 da etapa do PP e 27 procedentes do mandato de PSdeG e BNG. Informa La Opinión de A Coruña
A borrasca que chegou onte a Galicia deixou ventos de 146 quilómetros por hora en Viveiro e 116 litros por metro cadrado de chuvia en Val do Dubra ou Lousame. Este mércores mellorará o tempo, aínda que as intensas chuvias e o forte vento regresarán o xoves e o venres, de novo con alerta laranxa no mar.
Trump perde o control do Congreso, aínda que os Republicanos manteñen a súa maioría no Senado. Os Demócratas poderán agora limitar a capacidade de acción do Presidente e investigalo
Feijóo reitera a promesa dun parque acuático en Ourense. O presidente incluíuno nos seus anuncios tras recibir o alcalde ourensán, Jesús Vázquez, a quen erixiu como "o mellor" das sete cidades galegas. A Xunta desempoou o pasado verán o proxecto, que se ubicaría nas instalacións deportivas de Monterrei, tras anuncialo na campaña das eleccións galegas. O parque acuático veu sendo unha proposta recorrente do partido Democracia Ourensana.
A Xunta suspende polo temporal dende as 12 da mañá as actividades no exterior dos centros educativos "no suroeste, oeste e noroeste da Coruña, litoral de Pontevedra e Mariña lucense" e decide manter as clases e o transporte escolar. Como adoito, deixa nas mans das direccións de cada centro a suspensión doutras actividades "no caso de que a situación meteorolóxica supuxese un risco superior ao declarado". Os concellos incluídos en cada zona poden consultarse aquí. (Imaxe: Concello da Coruña)
O Tribunal Europeo de Dereitos Humanos sentencia que Arnaldo Otegi e outros catro líderes abertzales non tiveron un xuízo xusto no 'caso Bateragune', no que eran acusados de "reconstruír" Batasuna cando o partido estaba ilegalizado. Todos eles cumpriron xa as condenas derivadas deste caso.
Unha colisión múltiple causa unha longa retención na AP-9 ao seu paso por Vigo. Sucedeu no primeiro túnel tras o desvío cara ao aeroporto, segundo informa a Radio Galega. (Imaxe: DGT)
O alcalde de Barreiros culpa a secretaria municipal no inicio do xuízo polas licenzas ilegais para case 3.000 vivendas que estragaron a costa da vila baixo o seu mandato.
PP e Ciudadanos bloquean a vía do Goberno para evitar que Franco acabe na Almudena.
