O xuíz pide prisión eludible con fianza de 150.000 euros para Forcadell, despois de que a Fiscalía demandase prisión incondicional para a expresidenta do Parlament e outros tres membros da Mesa da cámara
Fálase
-
O Eixo Atlántico de cidades de Galicia e o Norte de Portugal elixe como novo presidente a Alfredo García, alcalde do Barco e presidente da Fegamp. Substitúe ao Ricardo Río, rexedor de Braga. A nova vicepresidenta será Luisa Salgueiro, rexedora de Matosinhos.
A Fiscalía pide prisión incondicional para Carme Forcadell e outros tres membros da Mesa do Parlament catalán. Está a contalo eldiario.es
Forcadell acata no Supremo o 155 e di que a DUI foi só simbólica. Tanto a ex-presidenta como o resto da Mesa do Parlament din acatar "explicitamente" a aplicación dese artigo da Constitución.
Un fallo de seguridade obriga a desactivar a sinatura dixital dos DNI expedidos dende abril de 2015. Recólleo eldiario.es
Os membros da Mesa do Parlament chegan a declarar ao Supremo entre insultos. Están acusados dun delito de rebelión, sedición e malversación de fondos da Generalitat.
O Goberno central incumpriu nos tres últimos anos a regra de gasto pola que intervén Madrid. A Administración central saltouse en 2014, 2015 e 2016 a norma pola que agora estreita o cerco sobre o Concello de Manuel Carmena.
O XXIII Premio San Clemente Rosalía-ABANCA vai para Xosé Monteagudo (por Todo canto fomos), Fernando Aramburu (Patria) e Ralf Rothmann (Morrer en primavera) nas categorías de lingua galega, castelá e estranxeira. O xurado estivo formado por alumnado de centros de Lugo, A Coruña, Pontevedra, Maceda e Compostela.
Morre mentres traballaba un operario das obras do AVE en Laza. O home tiña 35 anos e as primeiras hipóteses do falecemento apuntan a unha parada cardíaca, segundo recolle La Región. Os traballos da conexión ferroviaria de alta velocidade coa Meseta acumulaban xa 7 vítimas mortais.
O PSC asina un acordo electoral co partido fundado por antigos membros de Unió, Units Per Avançar. A Aliança pel seny i pel catalanisme implica a incorporación de membros desta formación ás listas socialistas para o 21D, entre eles a do ex-conseller Ramón Espadaler.
